RAMOTA

(Ramôta) [mety hidika hoe Toerana Avo; avy amin’ny fototeny midika hoe “miakatra”].

1. Tanànan’ny Levita tao amin’ny faritanin’i Isakara. (1Ta 6:71-73) Toa izy io ihany no Rameta sy Jarmota (No. 2). (Js 19:17, 21; 21:27-29) Misy mihevitra an’i Ramota ho i Kokab el-Hava (Kokav ha-Yarden), eo amin’ny lembalemba tokotokony ho 10 km any avaratr’i Beti-sana.

2. Ilay “Ramota any atsimo” resahin’ny 1 Samoela 30:27. Toa izy ihany ilay “Baleta-bera, izany hoe Rama any atsimo” resahin’ny Josoa 19:8. Toa tany Negeba no nisy azy io.​—Jereo RAMA, II No. 2.

3. Tanàna tany Gileada, tany atsinanan’ny Reniranon’i Jordana. (Js 20:8) Lasa nantsoina hoe Ramota-gileada izy io tatỳ aoriana.​—Jereo RAMOTA-GILEADA.