SEFATIA

(Sefatìa) [Nitsara i Jehovah].

1. Harifita, ary anisan’ny Benjamita mpiady niala tamin’i Saoly ka niandany tamin’i Davida tao Ziklaga.​—1Ta 12:1, 2, 5.

2. Zanakalahin’i Davida fahadimy teraka tao Hebrona, fony izy nanjaka tao (1077-1070 T.K.). I Abitala no renin’i Sefatia.​—2Sa 3:2, 4; 1Ta 3:1, 3.

3. Zanakalahin’i Maka, ary andrianan’ny fokon’i Simeona tamin’ny andron’i Davida Mpanjaka.​—1Ta 27:16, 22.

4. Zanakalahin’i Josafata. Nomen-drainy tanàna voaro mafy sy fanomezana maro izy, saingy novonoin’i Jorama zokiny lahimatoa tatỳ aoriana.​—2Ta 21:2-4.

5. Anisan’ny andrianan’ny Joda nangataka alalana tamin’i Zedekia Mpanjaka mba hamono an’i Jeremia. Nanipy azy tao anaty lavaka fanangonan-drano izy ireo. Zanakalahin’i Matana i Sefatia.​—Je 38:1-6, 10.

6. Razamben’ny fianakaviana israelita iray. Nisy 372 lahy ny taranany niara-niverina tamin’i Zerobabela tany Jerosalema (537 T.K.), ary 80 kosa no niaraka tamin’i Zebadia sy Ezra (468 T.K.).​—Ezr 2:1, 2, 4; 8:1, 8; Ne 7:9.

7. Fianakaviana anisan’ny “taranaky ny mpanompon’i Solomona” niara-niverina tamin’i Zerobabela avy tany Babylona.​—Ezr 2:1, 2, 55, 57; Ne 7:59.

8. Benjamita razamben’ny olona iray nonina tao Jerosalema, taorian’ny sesitany tany Babylona.​—1Ta 9:7, 8.

9. Taranak’i Joda avy tamin’i Pereza, ary razamben’ny olona iray nonina tao Jerosalema tamin’ny andron’i Nehemia Governora.​—Ne 11:1, 2, 4.