SERFA

Ilazana serfalahy lehibe ny hoe ʼaiyal (heb.). Fahita tany Palestina taloha ny serfa mena (Cervus elaphus), serfa mavo (Dama mesopotamica), ary serfa kely (Capreolus capreolus).

Navelan’ny Lalàna hohanina ny serfa noho izy biby mandinika sy mivaky kitro, raha nararaka tamin’ny tany ny rany, toy ny an’ny biby hafa ihany. (De 12:15, 16, 22, 23; 14:4-6; 15:22, 23) Anisan’ny sakafo naroso teo an-databatr’i Solomona Mpanjaka ny henany.​—1Mp 4:22, 23.

An’ohatra ny serfa resahin’ny andininy hafa. Noharin’ilay Solemita tamin’ny zanaka serfa ilay mpiandry ondry tia azy, ary niresaka an-kolaka izy hoe haingam-pandeha ilay biby. (To 2:9, 17; 8:14) Hahavita hianika fiakarana mideza toy ny serfa ny malemy tongotra, rehefa sitrana tanteraka. (Is 35:6; ampit. He 12:12, 13.) Toy ny serfa tsy ampy sakafo ka tsy nanan-kery hihazakazahana ny andriana tao Ziona, rehefa nataon’ny Babylonianina fahirano ilay tanàna.​—Ft 1:6.