Mitantara ireo mpitory ilay Fanjakana

Ny firaisan-tsaina noho ilay Fanjakana — zava-misy

NY FIRAISAN-TSAINA no toetra nampiavaka marina ny fivoriambe izay nataon’ny Vavolombelon’i Jehovah farany teo tany Nouvelle-Zélande sy Philippines. Tany Nouvelle-Zélande dia olona 13 408 no nanatrika ny fivoriambe “Tafaray noho ilay Fanjakana”, ary tamin’io isa io dia 167 no natao batisa. Ireo fivoriambe telo nalamina tao amin’io tany io dia nampitohizina an-taribỳ tamin’ireo fivoriambe enina tany Aostralia. Izao no notantaraina anay: “Mpanatrika maro no nanana havana tany amin’ny fivoriambe iray hafa izay nasiana fifandraisana ; nohazavain’izy ireo fa azony nalaina sary an-tsaina ireo mpianakaviny eo am-pihainoana lahateny mitovy, amin’io fotoana io ihany, ka izany dia nahatonga azy ireo hahatsapa firaisan-tsaina.” Ny anabavy iray marenina, izay manatrika fivoriambe hatramin’ny 30 taona dia nanamarika fa ‘nahazo zavatra avy tamin’ny fandaharana izy tamin’ny farany’ noho ny fandikana amin’ny resaka ara-pihetsehana natao vao voalohany.

◻ Koa satria izy ireo nino mafy ny maha-zava-dehibe ireny fivoriambe ireny dia olona 120 no namakivaky ireo 2 900 kilaometatra manasaraka an’i Rarotonga, anankiray amin’ireo nosy Cook, amin’i Auckland izay nisy ny fivoriamben’izy ireo (Hebreo 10:24, 25). Mba handoavana ny saram-piaramanidiny dia nanamboatra sy nivarotra akanjo ireo anabavy, lambam-baravarana ary ondan-tseza ary koa vakana vita amin’ny voninkazo sy akorandriaka. Namboly anambazaha ireo rahalahy, nandeha nanjono na nandray anjara tamin’ny fijinjam-bary mba hahazoana vola kely. Nisy kongregasiona tany Nouvelle-Zélande nahafantatra ny zava-manahirana ara-bolan’ireo namany tany amin’ny nosy Cook, nandefa ho azy ireo izay vola tsy ampy. Noho izany, ny ankamaroan’izy ireo dia afaka nanatrika ny fivoriambe tany Auckland. Ny ampahany sasany tamin’ny fandaharana dia niseho tamin’ny fitenin’izy ireo. Tamin’ireo fivoriambe telo tany Nouvelle-Zélande, dia nisy misionera 17 faly niaraka tamin-ireo rahalahiny afaka manompo an’i Jehovah, ilay Mpanjaka, amim-piraisan-tsaina.

◻ Ireo olona 149 219 nanatrika ireo fivoriambe 20 nalamina tany Philippines dia faly nankamamy ny fiarahana tamin’ireo rahalahiny sy nahafantatra fa nisy batisa 1858. Maro be tamin’izy ireny no tapa-kevitra ny tsy ho diso ireny fivoriambe ireny. Ohatra ireo avy tany Davio del Sur, anisan’izany ireo rahalahy vitsivitsy avy amin’ny fokon’i Manobo dia nanao 100 kilaometatra an-tongotra mba handraisana ny fiarabe izay tsy maintsy nitondra azy ireo tany General Santos City, tao amin’ny nosin’i Mindanao. Kristiana maro hafa no nandeha 200 kilaometatra an-tongotra namakivaky tendrombohitra, ka izany dia nandaniany telo andro. Avy eo izy ireo dia mbola nandeha sambo indray andro talohan’ny nahatongavana tao amin’ilay tanàna nanaovana fivoriambe. Niaiky ny rehetra fa “tena mendrika ny ho natao” izany.

Tonga tao amin’ny fivoriamben’i Tuguegarao, ao amin’ny nosin’i Gagayan, ny filoha pôlisim-pirenena, ary tsapany avy amin’izany ny fandaminana tsara. Nanambara izy hoe: “Tsy mila pôlisy ny Vavolombelon’i Jehovah mandritra ny fivoriambeny satria mandeha tsara amim-pandriampahalemana sy amim-pilaminana foana ny zavatra ao.” Tany amin’ny fivoriamben’i Binalonan, tao amin’ny nosy Pangasinan, dia nilaza ny mpandinika iray hoe: “Raha Vavolombelon’i Jehovah daholo ny olon-drehetra dia tsy hanana antony hananana ahiahy ny amin’ny fandriampahalemana sy ny filaminana isika (...) Ny ankizy dia mipetraka tsara eo anilan’ny ray aman-dreniny ary nihaino (...) Tsy nisy na iza na iza nifoka. Hany ka rehefa tehifoka aho dia nivoaka.”

Ireo filazana ireo dia manampy antsika hankamamy ny firaisana ary ny fifaliana manjaka eo amin’ireo mpitory ilay Fanjakana ireo. Amin’ny andro izay haneken’ny olombelona rehetra ny fanjakan’i Jehovah sy hanaovany ny fanapahany dia hisy fotoana kanto hisokatra eo anoloan’izy ireo. Ny fisaratsarahana dia tsy ho inona fa fahatsiarovana ratsy.

[Sarintany/Sary, pejy 7]

(Jereo ny gazety)

NOUVELLE-ZÉLANDE

[Sarintany]

PHILIPPINES