Aza adino ny fivoriambenao manaraka “Ireo mpihazona tsy fivadihana”!
Misy andro efatra tondraky ny fampianarana ara-panahy miandry anao ao amin’ireo fivoriambe “Ireo mpihazona tsy fivadihana”, izay alamin’ny Vavolombelon’i Jehovah amin’ny fiteny malagasy amin’ny volana septambra 1985. Amin’ny alalan’ireo lahateny manorina, ireo fanadinkadinana minisitra ampy fanandraman-javatra ary ireo fampisehoana azo ampiharina, io fihaonambe io dia hanome tondraka ho an’ireo kristiana hanatrika eo, torohevitra maro sarobidy indrindra.
Aoka ianao ho eo raha vao manomboka ny fandaharana voalohany ny alakamisy amin’ny 1 ora sy sasany. Ao amin’ny lahateniny mitondra ny lohateny hoe “Aoka hiaro antsika ny tsy fivadihana”, ny prezida dia hanasongadina ny foto-kevitry ny fivoriambe ary handranitra ny hetaheta ara-panahin’ireo mpihaino azy ho amin’ny fitambaran’ny fandaharana. Ambonin’izany, izay hianaranao amin’io tolakandro io dia hanampy anao hisaintsaina ny Soratra masina miaraka amin’ny olon-kafa.
Ny zoma maraina, dia azonao atao ny hanaraka ny fampisehoana tantara manao hoe Ny ho avinao — mitaky fiezahana. Hahita fampaherezana lehibe amin’izany ny tanora. Mino mafy izahay fa hankasitrahanao tokoa izay ho raisinao amin’io zoma io ka tsy ho voasakana ny tsy hampandray soa ihany koa ireo olona monina eo amin’ny tanàna hanaovana ny fivoriambe ianao.
Ho feno torohevitra azo ampiharina eo amin’ny fiainana kristiana ny fandaharana ny sabotsy. Izany dia hanampy anao hahatakatra ny fomba hiarovana ny maso tsotra sy hanaovana fandinihina ny toe-pahasalaman’ny fo ara-panahy. Amin’ny fiafaran’ny lahateny farany amin’io andro io manao hoe “Tsy mivadika sy mahatoky amin’ny fahamarinana eo amin’izao tontolo izao tsy manana an’Andriamanitra”, dia hody indray miaraka amin’ny harena sarobidy ianao, dia zavatra faran’izay tsara hisy vidiny aminao sy handray anjara lehibe manaraka izany eo amin’ny asa fitorianao.
Ny alahady, andro farany amin’ny fivoriambe, dia hankasitrahanao manokana ny fampisehoana tantara miaraka amin’ny fanamiana mitondra ny foto-kevitra hoe, Matahora an’Andriamanitra, ary manalavira ny ratsy, ary koa ny lahateny ampahibemaso mitondra ny lohateny hoe “Aiza ho aiza isika izao amin’ny andro sy fotoana voatendrin’Andriamanitra”?. Tsy azo lavina fa ireo andro efatra ireo dia mampanantena fa hampihetsi-po sy hampanan-karena. AZA ATAKALO NA INONA NA INONA EO AMIN’IZAO TONTOLO IZAO IREO!
Koa satria fivoriambe an-jatony maro no alamina any amin’ny faritra maro eto amin’ny gilaoby, dia tsy isalasalana fa hisy anankiray eny akaikinareo. Anontanio ny Vavolombelon’i Jehovah eo amin’ny faritany misy anao ny andro sy toerana hanaovana ny anankiray manakaiky ny fonenanao indrindra.
Ny andro sy toerana hanaovana azy eto Madagasikara:
ANTANANARIVO: 5-8 septambra 1985
ANTSIRANANA: 19-22 septambra 1985
FIANARANTSOA: 19-22 septambra 1985