Zava-manahirana mifamatotra amin’ny fisamboram-bola

“Ny zava-manahirana, rehefa misambo-bola ny tena, dia ny tsy maintsy anombohana mieritreritra fa antsika izany. Zatra izany ny tena, heverina fa anisan’ny fanaka izany, ary tiana kokoa indraindray ny manadino ny andro tokony handaozany antsika mba ho any amin’olon-kafa. Tsy sarotra ny misambo-bola. Ny andaniana be dia ny famerenana.” Ireo andalan-tsoratra ireo, notsoahina avy amin’ny gazety mivoaka isan’alahady iray dia mitantara zava-manahirana ara-toe-tsaina mifamatotra amin’ny fisamboram-bola.

Misy anton-javatra lehibe lavitra noho ny anton-javatra ara-toe-tsaina anefa: ny anton-javatra ara-pitondrantena, ny adidy hamerina izay nosamborina. Tsara àry ny hitadidiana ny fomba iheveran’i Jehovah izay rehetra tsy mamerina ny nosamboriny. Milaza amintsika toy izao ny Tenin’Andriamanitra: “Misambotra ny ratsy fanahy, nefa tsy manonitra.” — Salamo 37:21.