Ny lakroa: famantarana kristiana talohan’i Constantin ve?
“NY MARIKY ny lakroa dia famantarana tena tranainy, izay hita foana saika ao amin’ireo fanabeazana ara-tsaina fantatra rehetra. Tsy azon’ireo mpandinika ny toetra na fandrosoan’ny olombelona ny heviny na dia fantatra aza fa ny fampiasana azy amin’ireo sary momba ny fandevenana dia toa natokana hiarovana amin’ny ratsy. Etsy andaniny koa, ilay crux ansata malaza any Egypta, izay aseho toy ny mivoaka avy ao am-bava dia azo antoka fa mampiseho ny fiainana na ny fofonaina. Ny fampiasana maneran-tany ny mariky ny lakroa dia mahatonga hanaitra kokoa ihany ny tsy fisian’ny lakroa ary indrindra izay mety ho fanamarihana hentitra ny amin’ny fisehoan-javatra tany Golgota ao amin’ireo sisan-javatra kristiana tranainy indrindra. Amin’izao andro izao, ny ankamaroan’ireo manam-pahaizana dia mifanaraka mba hilaza fa ny lakroa dia tsy nampiasaina ho fampisehoana ara-tsary ny Fijalian’i Kristy talohan’ny andron’i Constantin.” — Ante Pacem — Archaeological Evidence of Church Life Before Constantine (1985), nataon’ny profesora Graydon Snyder, pejy 27.