Fivoriambe Fanao Isan-taona—3 Oktobra 1992

NY FIVORIAMBE ISAN-TAONA fanaon’ireo mpikambana ao amin’ny Watch Tower Bible and Tract Society of Pennsylvania dia hatao ny 3 Oktobra 1992, ao amin’ny Efitrano Fanaovan’ny Vavolombelon’i Jehovah Fivoriambe, 2932 Kennedy Boulevard, any Jersey City, any amin’ny Fanjakan’i New Jersey. Ny fivoriambe mialoha hataon’ireo anisan’ny Fikambanana ihany dia hatao amin’ny 9 ora sy sasany maraina, harahin’ny fivoriambe fanao isan-taona amin’ny 10 ora maraina.

Tokony hampandre ny Biraon’ny Mpitantsoratra dieny izao ny amin’izay fiovan’ny adiresiny tao anatin’ny taona lasa ireo anisan’ny Fikambanana, mba ho voarain’izy ireo ny fiantsoana sy fanomezam-pahefana, aoriana kelin’ny 1 Aogositra.

Ireo fanomezam-pahefana izay halefa any amin’ireo anisan’ny Fikambanana miaraka amin’ny fiantsoana azy hanatrika ny fivoriambe fanao isan-taona, dia tsy maintsy haverina, ary ho tonga any amin’ny Biraon’ny Mpitantsoratra ny 15 Aogositra raha ela indrindra. Ny mpikambana tsirairay avy dia tokony hameno ny fanomezam-pahefana sy hamerina izany haingana amin’ny filazana amin’ny fomba hentitra raha ho tonga hanatrika ny fivoriambe ny tenany na tsia. Tokony ho raikitra ireo filazana homena ao amin’ny fanomezam-pahefana tsirairay momba io lafin-javatra io, satria hampiasaina izany hamantarana ny isan’ny mpikambana ho tonga.

Kendrena ho vita amin’ny 1 ora antoandro, na aoriana kelin’izay ny fandaharana manontolo, ao anatin’izany ilay fivoriana sy ireo tatitra momba ireo raharaha ara-barotra. Tsy hisy fotoam-pivoriana ny tolakandro. Koa satria voafetra ny isan’ny toerana, dia izay mampiseho karatra fanasana ihany no ho afaka hiditra. Tsy hisy fandaharana hatao mba hampifandraisana mivantana an-telefaonina io fivoriambe fanao isan-taona io amin’ny efitrano fivoriana hafa.