Aoka isika hanampy ny hafa eny amin’ny saha fitoriana
1 Hatramin’ny niandohany, dia fandaminana mpitory ny filazantsara ny kongregasiona kristiana. Nampiofana manokana ny mpianany tamin’ny asa fitoriana i Jesosy ary “naniraka azy tsiroaroa”. (Marka 6:7; Lioka 8:1) Ny apostoly Paoly dia niresaka ny amin’ny “mpiara-miasa” taminy tao amin’ny kongregasion’i Filipy, izay ‘niara-niasa fatratra taminy teo amin’ny filazantsara’. (Fil. 4:3) Na dia tsy ilaina foana aza ny manana olona miara-miasa amin’ny tena eny am-pitoriana, dia ankasitrahan’ny ankamaroantsika ny fiarahana amin’ny hafa. (Mpit. 4:9) Koa raha izany, amin’ny fomba ahoana ry no azontsika ifampirisihana sy anampiana olona miara-mitory amintsika?
2 Iray amin’ireo zava-kendren’ny fivoriana ho amin’ny asa fitoriana, dia ny fanomezana fanampiana ho an’ireo vaovao sy ireo mpitory tsy dia za-draharaha. (om pp. 77, 97) Na dia ireo mpitory maharitra notendrena vao haingana aza, dia mety haniry hiasa miaraka amin’ireo mpitory nahita fanandraman-javatra bebe kokoa na amin’ny loholona iray na mpikarakara momba ny asa iray. Fahafahana tsara tokoa ho amin’ny ‘fifampirisihana’ izany! — Rom. 1:12, MN.
3 Ho fiarovana antsika, dia mety ho an’ny mpitory ny miasa miaraka any amin’ny toerana sasany. Na, indraindray dia mety hilaina ny manova ny fandaharana natao mialoha mba hiasana miaraka amin’olona, toy ny mpitory tsy za-draharaha, izay tonga ao amin’ny fivoriana ho amin’ny fitoriana mba hanomezana izay ilainy. Raha toa isika iangaviana mba hanao izany, dia fanehoana fitiavana tokoa ny manao ny fanamboarana ilaina mba “hanampiana ny malemy”, na dia mahazatra antsika aza ny miara-miasa amin’ny namana anankiray — Asa. 20:35, MN.
MIASA AMIN’NY FOMBA MIFANARAKA TSARA
4 Amin’ny fotoana rehetra iarahantsika amin’ny hafa eny amin’ny saha fitoriana, dia maniry hiasa mifanaraka tsara toy ny andiany iray isika. (Ampitahao amin’ny 1 Korintiana 3:6, 9.) Afaka mandray anjara amin’ny fanomezana fanambarana ianareo mirahalahy (na mirahavavy), angamba amin’ny fifandimbiasana manombo-dresaka eny am-baravarana. Mandidy antsika hihaino amim-panajana sy amim-pitandremana ny fahalalam-pomba, raha mbola miteny ilay miara-mitory amintsika.
5 Na dia a mety aza indraindray ny hidirantsika ao amin’ny resadresaka rehefa ny namantsika no mitarika izany, dia mitaky fahaiza-mitsara zavatra izany. Tsy irintsika ny hanapaka ny filaharan’ny fanjohian-kevitra ampiasainy mba hampisaintsainana an’ilay tompon-trano ka hisy vokany tsara eo aminy. Mazava ho azy fa rehefa sendra sahirana amin’ny famaliana fanoherana iray ny mpitory tsy za-draharaha, dia tsy isalasalana fa hankasitrahany ny fanampiana tarihina tsara. — Mpit. 4:12.
6 Afaka mampiasa amin’ny fomba tsara ny fotoana eny anelanelan’ny varavarana isika, mba hiresahana ny amin’ireo fomba azo anatsarana ny fampisehoana ataontsika. Angamba ny fampiasana iray amin’ireo fampidiran-dresaka ao amin’ny boky Comment raisonner na ireo fanipazan-kevitra nomarihina tao amin’ny Ny Fanompoantsika Ilay Fanjakana, dia ho hita fa mandaitra kokoa. Ny fiarahana miasa koa dia manome antsika fahafahana hifankahalala tsaratsara kokoa, hanamafy ny fatorana mampiray antsika amin’ny rahalahintsika kristiana.
7 Tena harena sarobidy tokoa ry ny fanompoantsika. (2 Kor. 4:1, 7) Raha manana fahafahana hiara-miasa amin’ny hafa eny amin’ny saha fitoriana isika, dia afaka manorina ao amintsika samy isika, fankasitrahana lalina ny fanompoana masina nomena hotanterahintsika. Ao anatin’izany fotoana izany ihany, dia handray fampirisihana sy hianatra avy amin’ny hafa isika. Ny vokany dia ny fitomboan’ny fifaliana, sy fahitam-bokatra bebe kokoa amin’ny fanaovana fanambarana, ary fahatsapana firaisan-tsaina mahafa-po amin’ireo rahalahy sy anabavintsika. — Sal. 133:1.