Tena Nankasitraka Izy Ireo!
1 Naneho ny fankasitrahany noho ilay video Manontany ny Tanora—Ahoana no Hahazoako Tena Namana? ny fianakaviana kristianina maro eran-tany. Nitantara ny raim-pianakaviana iray avy any Etazonia fa lasa saina teo am-pitoerana ireo zanany lahy, rehefa avy nijery ilay video, satria tena mitovy ny manjo azy ireo sy izay hitany tao! Toy izany koa no tsapan’ireo rahalahy sy anabavy tanora any Malawi, araka ny tatitra avy any, satria miaritra faneren’ny mpiara-mianatra toy izany koa izy ireo. Hoy koa ny raim-pianakaviana iray avy any Alemaina momba ilay video: “Heveriko ho valim-bavaka ilay izy.” Hoy ny tanora iray: “Misaotra mampahatsiahy ahy hoe mikarakara ahy i Jehovah.” Hoy ny anti-panahy avy any Nouvelle-Zélande: “Nanampy ny iray tamin’ny tanorantsika izy io, mba hiverina indray tamin’ny lalan’ny fiainana.” Hoy ny olon-dehibe iray rehefa avy nijery azy io: “Iriko tokoa ny tanora rehetra ao amin’ny fahamarinana mba hahita an’ilay video, ary izy ireo mihitsy no ho voatosika handray ny fahamarinana!” Ry fianakaviana, nahoana raha mijery azy io indray? Iaraho midinika ireto fanontaniana ireto, aorian’izay.
2 Teny fampidirana: Inona no atao hoe tena namana?—Ohab. 18:24.
3 Sakana tsy mamela hahazo namana: Ahoana no handresenao ny fahatsiarovana ho ailiky ny hafa? (Fil. 2:4) Nahoana ianao no tokony ho vonona hanatsara ny toetranao, ary iza no afaka manampy anao hanao izany? Inona no fomba tsara ahazoana namana maro kokoa, ary aiza no toerana ahitana azy ireo?—2 Kor. 6:13.
4 Fisakaizana amin’Andriamanitra: Inona no azonao atao mba ho naman’i Jehovah ianao, ary nahoana no tsy ho very maina ny ezaka ataonao? (Sal. 34:8) Iza no tena afaka manamafy ny fifandraisanao amin’Andriamanitra?
5 Karazana naman-dratsy: Iza avy no naman-dratsy? (1 Kor. 15:33) Nahoana ny naman-dratsy no mety hanimba ny finoan’ny olona iray? Inona no ianaranao avy amin’ilay fitantarana ao amin’ny Baiboly momba an’i Dina?—Gen. 34:1, 2, 7, 19.
6 Fampisehoana tantara maoderina: Inona no nitranga rehefa nahatsiaro ho manirery i Saraha? Inona no nanamarinany ny fiarahany tamin’ireo tanora eto amin’ity tontolo ity? Nahatonga azy hisetra loza inona avy ireo namany? Nahoana ny ray aman-dreniny no tsy nahita ny loza nanjo azy? Inona anefa no fihetsika nasehon’izy ireo, izay nanampy azy hihavana tsara indray tamin’i Jehovah? Inona no nataon’ilay anabavy mpisava lalana, ka nampiseho fa tena namana ho an’i Saraha izy? Nahoana ny Kristianina no tsy maintsy manaraka ny Ohabolana 13:20 sy ny Jeremia 17:9? Inona no zava-dehibe nianaran’i Saraha?
7 Famaranana: Inona avy no lesona nianaranao avy tamin’ilay video? Ahoana no hampiasanao azy io mba hanampiana olon-kafa?—Sal. 71:17.