Famerenana ny Fivoriambe Manokana Iray Andro

Natao hijerena mialoha sy hanaovana famerenana ny fivoriambe manokana iray andro amin’ny taom-panompoana 2005, ity lahatsoratra ity. Ilay lahatsoratra hoe “Fandaharana Vaovao ho Famerenana ny Fandaharan’ny Fivoriambe”, ao amin’ny pejy faha-4 amin’ity takelaka fanampiny ity, dia manazava ny fomba hanaovana izany. Tsinjarao tsara ny fotoana mandritra ilay famerenana, mba ho ampy hametrahana ny fanontaniana rehetra. Ny fomba hampiharana ireo fanazavana no tokony hasongadina amin’ny famerenana.

MARAINA

1. Nahoana isika no mila mihaino hatrany izay lazain’i Jehovah? Inona no dikan’ny hoe mihaino? (“Nahoana Isika no Mila Mihaino ny Feon’i Jehovah?”)

2. Ahoana no ahafahan’ny fianakaviana mihazona fandaharam-potoana tsara, mba hanaovana ireo zavatra mifandray amin’ny fanompoana an’i Jehovah? (“Fianakaviana Mifantoka Tsara Rehefa Mihaino ny Tenin’Andriamanitra”)

3. Inona no nataon’ireo ao amin’ny faritra misy antsika mba hitoriana tsy ara-potoana, isaky ny afaka manao izany? (“Ataovy ho Voninahitr’Andriamanitra ny Zava-drehetra”)

4. Inona no lesona azontsika raisina avy amin’ilay ohatra fampitandremana ao amin’ny Hebreo toko faha-3 sy faha-4? Amin’ny fomba ahoana no iresahan’i Jehovah amintsika ankehitriny? (“Ho Voaro Izay Mihaino Rehefa Miteny Andriamanitra”)

5. Inona no soa noraisinao tamin’ny lahatenin’ny batisa? (“Fanoloran-tena sy Batisa”)

TOLAKANDRO

6. Inona no fantatsika momba ny fahatanoran’i Jesosy, ary ahoana no fomba anahafan’ny tanora ao amin’ny faritra misy antsika ny ohatra nomeny? (“Manatanjaka ny Tanorantsika ny Fihainoana Tsara ny Tenin’Andriamanitra”)

7. Inona no fomba sasany azon’ny ray aman-dreny ampiofanana ny zazakely sy ny ankizy madinika amin’ny lalan’i Jehovah? (“Mihaino An’Andriamanitra sy Mianatra ny Ankizy Madinika”)

8. Inona avy ireo lafin-javatra ilantsika hihainoana an’i Jehovah, ny Zanany, ary ny “mpanompo mahatoky sy malina”? (Matio 24:45) Nahoana no zava-dehibe ny hanaovantsika izany? (“Ankatoavy Foana ny Toromarik’Andriamanitra”)