Famerenana ny Fivoriamben’ny Faritra

Natao hijerena mialoha sy hanaovana famerenana ny fandaharan’ny fivoriamben’ny faritra amin’ny taom-panompoana 2005, ity lahatsoratra ity. Ilay lahatsoratra hoe “Fandaharana Vaovao ho Famerenana ny Fivoriambe”, ao amin’ny pejy faha-4 amin’ity takelaka fanampiny ity, dia manazava ny fomba hanaovana izany. Tsinjarao tsara ny fotoana mandritra ilay famerenana, mba ho ampy hametrahana ny fanontaniana rehetra. Ny fomba hampiharana ireo fanazavana no tokony hasongadina amin’ny famerenana.

ANDRO VOALOHANY: MARAINA

1. Inona no hanampy antsika hahazo ny fahendren’Andriamanitra?

2. Inona no ezaka nataon’ireo mpitory ao amin’ny faritra misy antsika mba hitoriana ny vaovao tsara amin’ny olona maro kokoa?

TOLAKANDRO

3. Nahoana no zava-dehibe amin’ny Kristianina ny ho madio hatrany ao anatiny? Inona no takin’izany amintsika?

4. Ahoana no hampisehoantsika amin’ireo rahalahintsika fa tia fihavanana isika?

5. Inona no dikan’ny hoe mahay mandanjalanja, ary ahoana no anehoantsika izany rehefa mampiasa ny fotoanantsika isika?

6. Inona no ianarantsika avy amin’ny ohatr’i Saoly sy Noa? Ahoana no ampisehoantsika fa “vonona hankatò” isika? (Jak. 3:17)

7. Inona no tokony hataon’ny Kristianina mba tsy hananany fiainana roa sosona?

8. Ahoana no hanahafantsika ny ohatr’i Paoly, rehefa miresaka momba ny fahendren’Andriamanitra?

ANDRO FAHAROA: MARAINA

9. Nahoana isika no tsy maintsy mitandrina rehefa mifidy izay zavatra hataontsika, ary inona no hanampy antsika amin’izany?

10. Inona no ezaka nataon’ireo ao amin’ny faritra misy antsika mba hanatrehana fivoriana tsy tapaka, ary inona no soa noraisiny avy amin’izany?

11. Inona no azon’ny loham-pianakaviana atao mba hampaherezana ny ankohonany?

12. Inona no zavatra ilain’ny faritra nisarihana ny saintsika?

TOLAKANDRO

13. Inona no soa raisintsika raha mampihatra ny fahendrena avy any ambony isika, araka ilay lahateny ho an’ny besinimaro?

14. Nahoana no tsy fahendrena ny matoky ny tenantsika na ireo tsy manaiky hotarihin’ny fahendren’Andriamanitra? Inona ny lafin-javatra tokony hitandremantsika tena?

15. Miaro antsika amin’ny fandrika inona avy ny fahendren’Andriamanitra?

16. Nahoana no zava-dehibe ny mampihatra ireo torohevitra nomena antsika nandritra ny fandaharan’ny fivoriamben’ny faritra?