Fomba Fanolorana Gazety

Tilikambo Fiambenana 15 Sept.

“Olona an-tapitrisany no manonona ireto teny be mpahafantatra ireto rehefa mivavaka. [Vakio ny Matio 6:10.] Hanao ahoana ny fiainana, araka ny hevitrao, raha tanteraka etỳ an-tany ny sitrapon’Andriamanitra? [Avelao izy hamaly.] Mamakafaka ny tapany tsirairay amin’ny Vavaka Nampianarin’ny Tompo ity gazety ity, ka anisan’izany ilay vao avy novakintsika teo.”

Tilikambo Fiambenana 1 Okt.

“Maniry mafy ny hifaranan’ny heloka bevava sy ny herisetra ary ny ady isika rehetra. Heverinao ve fa hahita ny fahatanterahan’ireto teny ireto isika indray andro any? [Vakio ny Salamo 37:11, ary avelao izy hamaly.] Resahin’ity gazety ity fa mifandray amin’ny fikasan’Andriamanitra tany am-boalohany, izany fampanantenana izany. Hazavainy koa hoe ahoana no hahazoana izany hoavy sambatra izany.”

Mifohaza! 8 Okt.

“Ankizivavy an-tapitrisany isan-taona no bevohoka tsy manambady. Tsy hitanao hoe mampalahelo ve izany? [Avelao izy hamaly.] Hazavain’ity gazety ity izay azon’izy ireo atao, mba hiatrehany ny olana maro amin’ny fitaizana ny zanany. Resahina ato koa ny fomba ahafahan’ny ray aman-dreny manampy ny zanany, hisoroka izany olana izany.” Vakio ny 2 Timoty 3:15.