Fomba Fanolorana Gazety

Ny Tilikambo Fiambenana 15 Sept.

Milazà vaovao farany mampanahy ny olona eo an-toerana. Manontania avy eo hoe: “Tena mitovy amin’izay lazain’ity andinin-teny ity ve ny fiainantsika ankehitriny, araka ny hevitrao? [Vakio ny 2 Timoty 3:1, ary avelao izy hamaly.] Resahin’ity gazety ity ny porofo fa efa miaina amin’ny andro farany isika. Lazainy koa izay tokony hataontsika.”

Mifohaza! Sept.

“Maro no mino fa noforonin’Andriamanitra isika. Misy indray tsy mino an’izany, fa mihevitra hoe avy amin’ny zavatra tsy mananaina isika, ary niova miandalana ho olona. Ahoana ny hevitrao? [Avelao izy hamaly.] Ity misy soso-kevitra manampy antsika hahita ny valiny marina. [Vakio ny Joba 12:7, 8.] Resahin’ity laharana manokana amin’ny Mifohaza! ity ny zavatra azontsika ianarana avy amin’io andinin-teny io. Hazavaina ato koa fa nisy namorona ny zava-drehetra, rehefa jerena ny firafitr’izy ireo ary tena hendry ilay nanao izany.”

Ny Tilikambo Fiambenana 1 Okt.

“Miezaka hanafoana ny aretina sy hanalava ny androm-piainan’ny olona ny manam-pahaizana. Ho afaka ny hiaina mandrakizay ve isika any aoriana any, araka ny hevitrao? [Avelao izy hamaly.] Izao no antony mahatonga antsika haniry mafy hiaina mandrakizay. [Vakio ny Mpitoriteny 3:11.] Hazavain’ity gazety ity hoe nahoana isika no nataon’Andriamanitra haniry hiaina mandrakizay.”

Mifohaza! Okt.

“Tia mijery tele ny ankamaroan’ny olona. Tokony hifidy tsara izay jerentsika ve anefa isika, araka ny hevitrao? [Avelao izy hamaly. Vakio avy eo ny Ohabolana 13:20.] Resahin’ity gazety ity hoe inona no vokatry ny tele eo amintsika. Misy soso-kevitra hanampy antsika tsy hijery tele be loatra koa ato.”