Fomba Fanolorana Gazety

Ny Tilikambo Fiambenana 15 Sept.

“Ahoana ny hevitrao momba an’ity andinin-teny ity? [Vakio Deoteronomia 32:4.] Hitantsika eo fa manao ny rariny Andriamanitra. Tena mahery koa izy. Efa mba noeritreretinao anefa ve hoe nahoana no feno fahoriana sy faharatsiana eto an-tany? [Avelao izy hamaly.] Hazavain’ity gazety ity ny antony amelan’Andriamanitra ny faharatsiana hisy hatramin’izao.”

Mifohaza! Sept.

“Te ho salama sy ho ela velona ny ankamaroantsika. Araka ny hevitrao, ho tsara kokoa ve ny fahasalamanao raha be fanantenana foana ianao? [Avelao izy hamaly, ary vakio ny Ohabolana 17:22.] Hazavain’ity lahatsoratra ity hoe nahoana no mahasoa ny miezaka ho be fanantenana foana.” Asehoy ilay lahatsoratra eo amin’ny pejy 26.

Ny Tilikambo Fiambenana1 Okt.

“Efa niteny ve ianao hoe: ‘Tena nanenenako iny zavatra nataoko iny!’? [Avelao izy hamaly.] Resahin’ity andinin-teny ity hoe nahoana isika rehetra no manao safidy hanenenantsika indraindray. [Vakio Jeremia 10:23.] Manampy antsika hanao safidy tsara ny torohevitry ny Baiboly, araka ny hazavain’ity gazety ity.”

Mifohaza! Okt.

“Tsy hitanao ve hoe mampidi-doza kokoa ho an’ny ankizy ny fiainana ankehitriny, raha oharina amin’ny taloha? [Avelao izy hamaly.] Maro no mihevitra fa miaina amin’ny vanim-potoana resahina ato amin’ity andinin-teny ity isika. [Vakio 2 Timoty 3:1-5.] Misy soso-kevitra ho an’ny ray aman-dreny ato amin’ity gazety ity, mba hahafahany hiaro ny zanany amin’ny mpametaveta.”