Famerenana ny Fivoriamben’ny Faritra

Hodinihin’ny fiangonana mandritra ny Fivoriana Momba ny Fanompoana ity lahatsoratra ity, aloha sy aoriana kelin’ny hanatrehany ny fivoriambeny, amin’ny taom-panompoana 2006. Hanaraka ny toromarika ao amin’ny Ny Fanompoantsika Ilay Fanjakana Aogositra 2004, pejy 4, ny mpiandraikitra mpitantan-draharaha, rehefa handamina ny fotoana hanaovana izany. Tokony hapetraka avokoa ny fanontaniana mandritra ilay famerenana, ka ny fomba hampiharana ilay fanazavana no tokony hasongadina.

ANDRO VOALOHANY:

1. Ahoana no hitafiantsika ny toetra vaovao, ary nahoana isika no tokony hitafy azy io foana?

2. Inona no nataon’ny mpitory sasany mba hampitomboana ny fotoana nitoriany?

3. Nahoana isika no tsy tokony hampitaha tena amin’ny hafa?

4. Ahoana no hanehoan’ny mpianakavy ny toetra vaovao eo anivon’ny fianakaviana?

5. Ahoana no hanehoantsika fa manohana hatrany ny fiangonana isika?

6. Nahoana isika no mila maneho ny toetra vaovao rehefa eny am-pitoriana?

7. Inona avy no tafiditra amin’ny hoe misaintsaina araka ny tokony ho izy, ary inona no soa raisintsika avy amin’izany?

8. Inona avy ireo toetra hahatonga antsika ho mora volavolain’i Jehovah?

ANDRO FAHAROA:

9. Zava-dehibe ve ny hampiasana amin’ny fomba tsara ny lela?

10. Inona avy no soa ho azon’ireo mampiasa fiteny madio amin’ny mpiara-miasa, mpiara-mianatra, ary olon-kafa?

11. Ahoana no hampiharantsika ny torohevitr’i Paoly ao amin’ny Efesianina 4:25-32, rehefa miaraka amin’ny mpiray finoana?

12. Inona no fomba mendri-kaja indrindra hampiasana ny lelantsika?

13. Inona no tokony hataontsika mba handresena ilay ratsy?

14. Amin’ny lafiny inona avy isika no tokony hiaro tena hatrany tsy ho voapentimpentin’izao tontolo izao?

15. Nahoana isika no tsy maintsy manavao isan’andro ny toetrantsika, ary ahoana no anaovantsika izany?

16. Inona no torohevitra avy amin’ny fivoriamben’ny faritra tamin’ity taona ity kasainao hampiharina?