Fomba Fanolorana Gazety

Ny Tilikambo Fiambenana 15 Okt.

“Maro no mihevitra fa ny fianarana no fanalahidin’ny fahombiazana. Araka ny hevitrao, misy fianarana afaka manampy ny olona ho tsara toetra kokoa sy hiatrika ny olana eo amin’ny fiainana ve? [Avelao izy hamaly, ary vakio ny Romanina 12:2.] Resahin’ity gazety ity ny fomba handraisan-tsoa avy amin’ny fampianarana tsara indrindra.”

Ny Tilikambo Fiambenana 1 Nov.

“Maro no mijaly noho ny tsy rariny eto an-tany. Misy afaka manova tanteraka an’ity tontolo ity ve, araka ny hevitrao? [Avelao izy hamaly.] Resahin’ity gazety ity ireo vato misakana tsy ahafahana manao izany. Resahina ato koa hoe iza no afaka mandresy izany vato misakana izany, ary ahoana no hitondrany tontolo iray hanjakan’ny tena fiadanana sy filaminana.” Vakio ny Salamo 72:12-14.

Mifohaza! 8 Nov.

“Misy fahasamihafana be eo amin’ny manankarena sy ny mahantra, eran-tany. Inona no vahaolana tsara indrindra amin’ny fahantrana, araka ny hevitrao? [Avelao izy hamaly, ary vakio ny Matio 6:9, 10.] Afaka matoky isika fa hanafoana izany fahasamihafana izany ny Fanjakan’Andriamanitra. Manazava an’izany ity gazety ity.”