Fomba Fanolorana Gazety

Ny Tilikambo Fiambenana 15 Okt.

“Maro no mihevitra fa tsy fantatra mihitsy izay havoaky ny ampitso, ka aleo ny anio ihany no eritreretina. Miray hevitra amin’izany ve ianao? [Avelao izy hamaly.] Mariho ange izay nolazain’i Jesosy e! [Vakio Matio 6:34.] Hazavain’ity gazety ity hoe ahoana no hanomanantsika ny hoavy, nefa tsy hanahy tafahoatra momba izany.”

Mifohaza! Okt.

“Efa nanana havana maty daholo isika. Mijery antsika avy any an-danitra ve izy ireny, araka ny hevitrao? [Avelao izy hamaly.] Mariho izay nolazain’i Jesosy rehefa maty i Lazarosy. [Vakio Jaona 11:11.] Hazavain’ity lahatsoratra ity hoe mbola velona any ankoatra ve ny maty, sa miandry ny hananganana azy.” Asehoy ilay lahatsoratra eo amin’ny pejy 28.

Ny Tilikambo Fiambenana 1 Nov.

“Araka ny hevitrao, hahafinaritra kokoa ve ny fiainana raha miezaka manetry tena ny olona? [Avelao izy hamaly.] Mariho izay nolazain’i Jesosy momba io toetra io. [Vakio Matio 23:12.] Hazavain’ity gazety ity ny maha zava-dehibe ny fanetren-tena, na dia tia mifaninana aza ny ankamaroan’ny olona.”

Mifohaza! Nov.

“Matetika no nitady tari-dalana tao amin’ny Baiboly ny olona taloha. Misy misalasala anefa ankehitriny raha mbola azo itokisana izy io. Ahoana no hevitrao? [Avelao izy hamaly, ary vakio ny 2 Timoty 3:16.] Asehon’ny porofo ato amin’ity Mifohaza! laharana manokana ity, fa avy amin’Andriamanitra ny Baiboly.”