Fomba Fanolorana Gazety

Ny Tilikambo Fiambenana 15 Okt.

“Mihevitra ny olona sasany fa tsy afaka ny hahalala an’Andriamanitra isika, satria any an-danitra izy. Efa nieritreritra toy izany ve ianao? [Avelao izy hamaly. Vakio avy eo ny Jaona 17:3.] Hazavain’ity gazety ity izay azontsika atao mba hahalalana an’Andriamanitra.”

Mifohaza! Okt.

“Efa nanana havana maty ny ankamaroantsika. Araka ny hevitrao, misy azontsika atao ve mba hanampiana azy ireny na dia efa maty aza izy? [Avelao izy hamaly.] Mamaly izany fanontaniana izany ny Baiboly, araka ny hazavaina ato amin’ity gazety ity. Hazavaina ato koa ity fampanantenana mampahery ity.” Vakio ny Jaona 5:28, 29. Asehoy avy eo ilay lahatsoratra manomboka eo amin’ny pejy 10.

Ny Tilikambo Fiambenana 1 Nov.

“Mifanohitra ny hevitry ny olona ankehitriny, raha ny momba ny fitaizan-janaka. Araka ny hevitrao, afaka mahita torohevitra azo itokisana ve ny ray aman-dreny? [Avelao izy hamaly. Vakio avy eo ny Salamo 32:8.] Misy torohevitra azo ampiharina momba ny fitaizan-janaka ao amin’ny Baiboly. Miresaka an’izany ity gazety ity.”

Mifohaza! Nov.

“Efa mba nieritreritra ve ianao hoe nahoana no be dia be ny fijaliana, raha misy ny Andriamanitra iray be fitiavana sy tia rariny ary mahery? [Avelao izy hamaly.] Hazavain’ity andinin-teny ity hoe nahoana no misy ny fijaliana. [Vakio ny 1 Jaona 5:19.] Hazavain’ity gazety ara-baiboly ity izay ataon’Andriamanitra mba hanafoanana ny fijaliana.”