Tsy Maintsy Be Zotom-po Amin’ny Fanompoana Foana Isika
1 Be zotom-po ny Vavolombelon’i Jehovah eran-tany. Nanokana ora arivo tapitrisa mahery isan-taona izy ireo, nanomboka tamin’ny 1992, mba hitoriana ilay Fanjakana sy hanaovana mpianatra. Tena faly isika afaka mandray anjara kely amin’izany!—Matio 28:19, 20.
2 I Jehovah no tokony hoderaina sy hisaorana, satria manampy antsika eo amin’ny fanompoana izy, amin’izao “fotoan-tsarotra” izao. (2 Tim. 3:1) Inona kosa no takina amintsika, raha te ho be zotom-po foana amin’io asa lehibe io isika?
3 Ahoana no hananana zotom-po?: Hazoto hanompo isika, raha tena tia an’Andriamanitra sy ny mpiara-belona, ary maniry hiaina mifanaraka amin’ny fanoloran-tenantsika. (Matio 22:37-39; 1 Jaona 5:3) Lasa mahafoy tena isika noho ny fitiavana, ka ho afaka handray anjara betsaka amin’ny fitoriana isika.—Lioka 9:23.
4 Miezaha mafy ho be zotom-po foana: Mitady ny fomba rehetra hampihenana ny zotom-pontsika ny Devoly. Tsy miraika, ohatra, ny olona itoriana, manelingelina ity tontolo ity, manery ny fiainana, ary mampanahy ny tsy fahasalamana.
5 Tsy maintsy miezaka mafy àry isika mba ho be zotom-po foana. Tena ilaina ny manolokolo ‘ny fitiavana nananantsika tamin’ny voalohany.’ Amin’ny fomba ahoana? Vakio sy saintsaino tsy tapaka ny Baiboly, ary ampiasao tsara ny zava-drehetra omen’ny “mpanompo mahatoky sy malina”, mba hanatanjahana ny finoantsika.—Apok. 2:4; Matio 24:45; Sal. 119:97.
6 Ahariharin’ny faminaniana fa tena akaiky ny fotoana handringanan’i Jehovah ny ratsy fanahy. (2 Pet. 2:3; 3:10) Aoka àry isika hiezaka mafy ho be zotom-po foana amin’ny fanompoana, ka handray anjara betsaka amin’ny asa fitoriana sy fampianarana atao eran-tany ankehitriny!