Valin’ny Fanontanianareo
◼ Mety ve ny mametraka ny adiresy e-mail-ntsika, eo amin’ny boky na gazety na taratasy mivalona atolotsika?
Mametraka ny adiresy e-mail-ny eo amin’ny gazety na taratasy mivalona atolony ny mpitory sasany. Mety hapetany amin’ny alalan’ny fitomboka na taratasy kely izany. Afaka manoratra ho azy amin’izay ny olona liana, raha mila fanazavana fanampiny. Marina fa antony tsara no anaovan’ilay mpitory izany. Efa hita eo amin’ny faran’ny gazetintsika sy ireo taratasy mivalona anefa ny adiresin’ny fandaminana ao amin’ny Internet, ka tsy tsara intsony ny hametrahantsika ny adiresy e-mail-ntsika eo.
Safidin’ny mpitory tsirairay raha hanome ny adiresiny izy na tsia, indrindra rehefa mangataka ny hiverina hitsidika. Hataony amin’ny taratasy mitokana anefa izany, fa tsy hapetany eo amin’ny gazety na taratasy mivalona. Isika, raha ny marina, no tokony hiverina any amin’ireo olona liana, fa tsy izy ireo no asaintsika manoratra ho antsika. Ho mora kokoa ny hahita ny fahalianan’ny olona iray, raha miresaka aminy mivantana isika.