Fomba Fanolorana Gazety

Ny Tilikambo Fiambenana 15 Nov.

“Samy te ho sambatra sy ho afa-po amin’ny fiainana isika rehetra. Niresaka mahakasika ny fomba hahitana fahasambarana i Jesosy. Ekenao ve ity teny nolazainy ity? [Vakio Matio 5:3, ary avelao izy hamaly.] Hazavain’ity gazety ity hoe nahoana isika no ho afa-po, raha tanterahintsika ny faniriantsika voajanahary hanompo an’Andriamanitra?”

Mifohaza! Nov.

“Mandroso be izao ny siansa, ka maro no mieritreritra fa lany andro ny Baiboly. Ahoana no hevitrao momba izany? [Avelao izy hamaly.] Fantatrao ve fa marina avokoa izay zavatra mifandray amin’ny siansa nambaran’ny Baiboly? [Vakio Joba 26:7.] Resahin’ity Mifohaza! laharana manokana ity ny porofo fa tena azo itokisana ny Baiboly.”

Ny Tilikambo Fiambenana 1 Des.

“Ahoana no hamalianao ity fanontaniana ity? [Vakio ny fanontaniana eo amin’ny fonon’ilay gazety, ary avelao ilay olona hamaly.] Mikasa ny hampihavana ny olombelona rehetra Andriamanitra. [Vakio Salamo 46:8, 9.] Resahin’ity gazety ity izay lazain’ny Baiboly mahakasika ny fomba hampihavanana ny olombelona.”

Mifohaza! Des.

“Misy mihevitra hoe mbola miaina any ankoatra ny olona rehefa maty. Ny hafa kosa mieritreritra fa mifarana eo amin’ny fahafatesana ny fiainana. Tokony hatahorana ve ny fahafatesana, araka ny hevitrao? [Avelao izy hamaly.] Mariho ny fomba niheveran’i Joba ny fahafatesany. [Vakio Joba 14:14, 15.] Hita ato amin’ity gazety ity ny fanazavan’ny Baiboly momba izay mitranga rehefa maty isika.”