Fomba Fanolorana Gazety

Ny Tilikambo Fiambenana 15 Nov.

“Be dia be ny faharatsiana ankehitriny, ka misy olona manontany tena hoe: ‘Nahoana aho no tokony hiady mafy mba hanaovana ny tsara?’ Efa nieritreritra toy izany koa ve ianao? [Avelao izy hamaly.] Mariho ireto teny mampahery ireto. [Vakio ny Ohabolana 2:21, 22.] Hazavain’ity gazety ity ny antony lehibe tokony hanaovana ny tsara.”

Mifohaza! Nov.

“Misy olona mieritreritra fa tompon’andraikitra amin’izay rehetra mitranga Andriamanitra. Rehefa misy loza dia milaza izy ireo fa manana antony marim-pototra Andriamanitra, matoa mamela an’izany hitranga. Toy izany koa ve ny hevitrao? [Avelao izy hamaly, ary vakio ny Jakoba 1:13.] Asehon’ity gazety ity izay lazain’ny Baiboly momba ny antony mahatonga antsika hijaly, sy izay hataon’Andriamanitra mba hamaranana izany.”

Ny Tilikambo Fiambenana 1 Des.

“Tanteraka amin’izao andro izao ve ity faminanian’ny Baiboly ity, araka ny hevitrao? [Vakio ny Matio 24:11, ary avelao izy hamaly.] Resahin’ity gazety ity ny sasany amin’ireo fampianarana be mpitia. Aseho ato koa izay azontsika atao, mba tsy ho voafitaky ny mpampianatra sandoka.”

Mifohaza! Des.

“Iza no lehilahy niavaka indrindra hatramin’izay, araka ny hevitrao? [Avelao izy hamaly.] Maro no mihevitra fa i Jesosy no lehilahy niavaka indrindra. Jereo izay hataon’io Mpanjakan’ny Fanjakan’Andriamanitra io ho an’ny olombelona. [Asehoy ny sary eo amin’ny pejy 8-9, ary vakio ny iray amin’ireo andinin-teny amin’ny sora-matevina.] Resahin’ity gazety ity hoe ahoana no hanatanterahan’i Jesosy an’izany, ary rahoviana.”