Ampiasao Hianaran’ny Fianakaviana sy Hianarana Samirery ny Tranonkalantsika
Vakio ireo gazety farany: Vakio ao amin’ny Internet Ny Tilikambo Fiambenana sy ny Mifohaza!, herinandro maromaro alohan’ny hahazoantsika ny gazety vita pirinty. Henoy koa ilay izy noraisim-peo.—Tsindrio ny “Zavatra Misy/Gazety.”
Vakio ireo lahatsoratra tsy hita afa-tsy ao amin’ilay tranonkala: Amin’ny Internet ihany izao no ahitana ny lahatsoratra sasany toy ny “Ho An’ny Ankizy sy ny Tanora”, “Andao Hianatra Baiboly!”, “Natao Hodinihin’ny Mpianakavy” ary “Manontany ny Tanora.” Ampiasao hianaran’ny fianakavianao na hianarana samirery izy ireny.—Tsindrio ny “Fampianaran’ny Baiboly/Ankizy” na “Fampianaran’ny Baiboly/Tanora.”
Jereo ny vaovao farany: Misy tatitra sy fitantarana mampahery ao amin’ilay tranonkala, ary misy ampahana video mampiseho ny fandrosoan’ny asantsika eran-tany. Afaka manao vavaka voafaritra tsara ho an’ireo rahalahy niharan-doza koa isika rehefa mijery ny tatitra momba ny loza sy momba ny fanenjehana atrehin’izy ireo. (Jak. 5:16)—Tsindrio ny “Vaovao.”
Ampiasao ilay Fitehirizam-boky rehefa hanao fikarohana: Raha misy amin’ny fiteninao izy io, dia mampiasà ordinatera na fitaovana elektronika entin-tanana ary manaova teny vakina na fikarohana amin’ireo boky sy gazety faramparany, ao amin’ny Internet.—Tsindrio ny “Zavatra Misy/Fitehirizam-boky”, na soraty eo amin’ny toerana fampidirana adiresy ny hoe www.wol.jw.org.
[Kisary, pejy 4]
(Jereo ny fanompoana)
Andramo Ilay Izy
1 Tsindrio eo amin’ilay sary na ilay rohy fandikana, dia hiseho amin’ny endrika PDF ilay sary. Ataovy pirinty ho an’ny zanakao izy ireny.
2 Tsindrio ny mba hijerena an’ilay video.