Ahoana no Ampiasana ny Bokikely Iza no Tena Manao ny Sitrapon’i Jehovah?

Natao hiaraha-midinika amin’ny mpianatra Baiboly, aloha na aorian’ny fianarana, ny bokikely Iza no Tena Manao ny Sitrapon’i Jehovah?a Manampy an’ilay mpianatra io bokikely io mba hahafantatra ny momba antsika (lesona 1-4) sy ny ataontsika (lesona 5-14) ary ny fandaminantsika (lesona 15-28). Tsara raha asesy ireo lesona, raha tsy hoe misy antony manokana angaha. Pejy iray fotsiny ny lesona tsirairay ary matetika no vita ao anatin’ny dimy ka hatramin’ny folo minitra.

• 

  Ampahafantaro an’ilay mpianatra aloha ny lohatenin’ilay lesona

• Vakio na asaivo vakiny ilay lesona. Tonga dia vakio daholo ilay izy na ataovy isaky ny fizarana

• Iaraho midinika izay avy novakinareo. Ampiasao ny sary sy ireo fanontaniana eo amin’ny faran’ny pejy. Vakio sy iaraho midinika izay andinin-teny hitanao hoe ilaina hasongadina. Ampio izy hahatakatra hoe ireo lohatenikely amin’ny sora-matevina no valin’ilay fanontaniana eo amin’ny lohateny

• Raha misy an’ilay efajoro hoe “Iezaho Atao Izao”, dia vakio ilay izy ary ampirisiho hampihatra ny soso-kevitra ao ilay mpianatra