Ampio ny Ankohonanao mba Tsy Hanadino An’i Jehovah

Nasaina nampitandrina ny Jiosy i Jeremia hoe hisy loza hanjo azy ireo, satria nanadino an’i Jehovah izy ireo. (Je 13:25) Nahoana ilay firenena no lasa maty ara-panahy toy izany? Satria tsy nifandray tsara tamin’i Jehovah intsony ny fianakaviana israelita. Azo inoana hoe tsy narahin’ny loham-pianakaviana ilay toromarika ao amin’ny Deoteronomia 6:5-7.

Mila matanjaka ara-panahy koa ny fianakaviana, mba hatanjaka tsara ny fiangonana. Hanampy ny ankohonany tsy hanadino an’i Jehovah ny loham-pianakaviana, raha manao Fotoam-pivavahan’ny Fianakaviana tsy tapaka sy voaomana tsara. (Sl 22:27) Valio ireto fanontaniana ireto rehefa avy mijery an’ilay video hoe “Aoka ho ao Am-ponao Ireto Teny Ireto”: Fanadinadinana Fianakaviana:

• Inona no nataon’ny fianakaviana sasany mba ho afaka hanao fotoam-pivavahana foana izy ireo, na dia tsy mora aza izany?

• Inona ny soa azon’ny fianakaviana rehefa atao tsy tapaka sy voaomana tsara ny fotoam-pivavahana?

• Nahoana no sarotra amiko ny manao Fotoam-pivavahan’ny Fianakaviana, ary inona no eritreretiko hatao mba hamahana an’ilay olana?