Afaka Mandresy ny Fankahalana Isika!

Na mbola tsy nisy nankahala aza anefa ianao, dia azo inoana hoe efa nahita olona niharan’izany. Mandeha amin’ny vaovao foana mantsy ny hoe misy olona ampijalin’ny hafa satria hafa firazanana, na lehilahy tia lehilahy, na vahiny. Namoaka lalàna àry ny fitondram-panjakana maro, mba hiarovana an’izay iharan’ireny fankahalana ireny.

Vao mainka miteraka fankahalana ny fankahalana. Matetika no mamaly faty ny olona iray rehefa misy mampijaly, dia lasa mankahala an’ilay olona nampijaly azy koa, ary mitohy foana izany.

Efa nisy nanavakavaka angamba ianao, na nitsaratsara, na naneso, na nanambany, na nandrahona. Tsy ireo ihany anefa no ataon’ny olona rehefa mankahala. Matetika izy ireo no mampijaly, manimba zavatra, mikasi-tanana, manolana, mamono, ary mandripaka foko iray mihitsy aza.

Hamaly an’ireto fanontaniana ireto ity gazety ity, ary ho hitantsika hoe ahoana no handresena ny fankahalana:

• Nahoana no be dia be hoatr’izao ny olona mifankahala?

• Inona no hanampy ny olona tsy hifankahala intsony?

• Tsy hisy intsony ve ny fankahalana indray andro any?