Manolora Gazety Isaky ny Misy Fahafahana Hanao Izany
1 Manana antony tsara hankasitrahana Ny Tilikambo Fiambenana sy ny Mifohaza! isika. Gazety hafa inona moa no manintona eo amin’ny sehatra iraisam-pirenena, toa azy ireo? Amin’itỳ volana itỳ dia ireo gazety no hasongadina eo amin’ny asa fitoriantsika, ary fanazavana mahery toy inona moa no raketin’ireo nomerao amin’ny volana Oktobra! Mazàna dia eny amin’ny asa isan-trano no ametrahantsika ny ankamaroan’ny gazetintsika; kanefa, ho tiantsika ny ho voaomana mba hanolotra azy ireo koa isaky ny misy fahafahana hafa mety, hanaovana izany.
2 Rehefa manolotra “Ny Tilikambo Fiambenana” tamin’ny 1 Oktobra, dia ho azonao atao ny hanaitra ny fahalianana amin’ilay lahatsoratra hoe “Tontolo Iray Tsy Hisy Ady — Rahoviana?”, amin’ny filazana hoe:
◼ “Olona maro no manontany tena hoe nahoana no toa tsy mety tratra ny tontolo iray tsy hisy ady, na dia eo aza ireo ezaka rehetra ataon’ny olombelona. Ahoana ny hevitrao momba ireto fanambarana eto amin’ny pejy faha-5 amin’ny Ny Tilikambo Fiambenana tamin’ny 1 Oktobra ireto? [Vakio ny fehezanteny voalohany amin’ny tsirairay avy amin’ireo fehintsoratra roa voalohany, eo ambanin’ilay lohatenikely hoe “Fivavahana — Sakana lehibe iray”, ary avelao ilay olona hamaly.] Mazava ho azy fa tsy midika akory izany hoe hisy foana ny ady. Mariho ange ny fampanantenan’Andriamanitra eto amin’ny Isaia 9:5, 6 e!” Azonao atao ny mamaky an’io andininy io avy ao amin’ny Baibolinao na araka ny tononina ao amin’ilay lahatsoratra ao amin’ny Ny Tilikambo Fiambenana. Hazavao vetivety fa Ny Tilikambo Fiambenana dia manohana ny Fanjakan’i Jehovah ho ny hany fanantenana ny amin’ny tontolo iray hisy fiadanana, ary ampirisiho ilay olona hamaky ilay lahatsoratra.
3 Rehefa mahita olona tia fivavahana ianao, nahoana moa no tsy manasongadina lahatsoratra iray avy ao amin’ny “Ny Tilikambo Fiambenana” tamin’ny 15 Oktobra? Mety hahatonga ny olona handray tsara izao fomba fampiseho izao:
◼ “Ho tiako ny handre ny hevitrao momba izao fanontaniana izao: Azo atao ve ny sady ho tia an’Andriamanitra no hatahotra azy?” Avelao ilay olona hamaly, ary avy eo dia vakio ilay andinin-teny fototra ho an’ilay lahatsoratra hoe “Nahoana no Matahotra An’ilay Andriamanitra Marina Ankehitriny?” (Mpit. 12:13). Ampiasao ny iray amin’ireo fanoharana eo amin’ny pejy faha-295 ao amin’ny boky Fanjohian-kevitra, ary atolory ilay gazety.
4 Rehefa miasa isan-trano, dia aza andalovana fotsiny ny tranom-barotra sy ny fivarotana kely. Ireo izay mitsidika fivarotana tsy tapaka dia milazalaza an’io asa io ho mahafinaritra sy ahitam-bokatra. Ho azonao atao ny hanandrana fomba fampiseho tsotra toy itỳ:
◼ “Fantatray fa irin’ny mpandraharaha ny hampahafantarana vaovao farany momba ireo raharaha izay misy akony eo amin’ny fiaraha-monina misy azy. Azoko antoka fa hahaliana anao ireto lahatsoratra ireto.” Avy eo dia manomeza vetivety hevitra iray avy ao amin’ireo gazety farany.
5 Raha sahirana marina ilay olona hatoninao, dia ho azonao atao ny hampiseho ireo gazety sy hilaza hoe:
◼ “Fantatro fa tsy nanampo ny hisian’ny mpitsidika ianao androany, koa ho fohy ny teniko. Ho tiako ny hanananao fahafahana hamaky zavatra izay manan-danja tokoa.” Tondroy ny lahatsoratra iray nofantenanao, ary atolory ireo gazety.
6 Mihazòna fandraisana an-tsoratra isan-trano amim-pitandremana, ary miverena any amin’izay rehetra nametrahana gazety. Rehefa manao ilay fiverenana mitsidika dia manolora famandrihana amin’ny iray na ny roa amin’ireo gazety. Aoka isika ho voaomana sy ho mailaka ny hanolotra ireo gazetintsika isaky ny misy fahafahana mety, hanaovana izany.