12-18 YO MAIO

MIRUKU 13

Ncipo 34 ni ulompa | Moolumo oopacera (1 min.)

MIHAKHU CO NNUULUMONI NA NLUKU

1. Nhihiyerere mwathepiyaka “ninthuko waatthu ampanka citthu coohiloka”

(10 min.)

Atthu ampanka citthu cootakhala khaarina niweherero. (Miru. 13:9; Perspicaz vol. 2 ipaag. 189 iparaag. 3-4)

Nhaapatthanane ale ampanka citthu cootakhala yoonaka khampa ampanka citthu comaana. (Miru. 13:20; Sentinela 15/07/2012 ipaag. 12 iparaag. 3)

Yehova nawaacaaliha ale aneettela isariya. (Miru. 13:25; Sentinela 15/07/2004 ipaag. 31 iparaag. 6)

Ilatarato: Uvirikanaca wo citthu coohiloka cinlakelaawe ntthu hiri Saahiti a Yehova ni citthu comaana cinlakelaawe ntthu ri Saahiti a Yehova. 1. Nlopwana mmoca navarenle nipha ni eenaka nipuro nineenenaciya uhiyu. 2. Nuuwakatyaaya, nawancera uwerennya. 3. Mayamunna ni miyanuunu yapankaka ifesta ucoocilo. Ni mayamunna eeli unawaacivela wiipa, wiina ni ulya nkhayi. 4. Ni usawaya anaarwaaca wuulalyeerani. — Ale aneekurumica utotha ukhalana citthu co ila ituninyeela, khankhalana utteeliya weekhweeli. Masi ale ampanka itthu impheelaawe Yehova anaakhala ukhalana utteeliya weekhweeli ni anaahala ucaalihiya muukumini waya motheene

2. Ikano cowiipithya co mbiibiliyani

(10 min.)

Miru. 13:24—Isiyani ila iveeruswiila inniitthucihaaya nhina nifento ni ulakiya? (Sentinela 1/04/2008 ipaag. 14 iparaag. 3-5)

Waakhula winyu
Mwaasomeenyu mphantte wo mbiibiliyani wo ila isumaneela, ikanoni cowiipithya ciphwanyaleenyu?

Waakhula winyu

3. Usoma Ibiibiliya

(4 min.) Miru. 13:1-17 (Leitura e Ensino mpantta 10)

MWIIKURUMICE WUULALYAANI

4. Upaceriha uwoopana mwaha atthu

(3 min.) ULALYEERA MMAWAANI. Mpacere wuuluma citthu cinkhumelela mahukwaala. Vano, nrukunuse mwahooyo muulumaka myaha co mbiibiliyani cinoncivela ntthuuyo. (Mwaafente Atthu mwaha 2 ipontu 5)

5. Upaceriha uwoopana mwaha atthu

(4 min.) ULALYEERA KHULA NIPURO. Munlattule ntthuuyo wiira awoone nkutthaano. (Mwaafente Atthu mwaha 2 ipontu 3)

6. Mwaha

(5 min.) Mwaafente Atthu mphantte woomalela A ipontu 9—Mwaha: Asaana anaahisima ni anwiiwelela asithumwanaya anaakhala saana. (Leitura e Ensino mpantta 16)

MAKHALELO EEKRISTAU

Ncipo 77

7. “Nthuko wa nasariya unaamwaleela cinene woohihiyerera”

(8 min.) Mwaha wookaviheriya niikomentaariyu co mayamunna.

Nuulumo na Nluku ninawuuluma ucuwelaca weekhweeli. Neekurumicaka weettela muukumini wihu uyo nthukooyo, ninaakhala ootteeliya ni ninaakhala saana muukumini wihu. Iyo ikhanle ntthu inkhitiryaa nattharaka uyo nthukooyo woohihiyerera.

Mphantte wo nvidiyuni “Ituninya khinhala wuuvahani itthu ihirineenyu”. Anuunu Gainanshina anonkomile woonene ni yawehaka wiirimu.

Moonihe IVIDIYU Ituninya khinhala wuuvahani itthu ihirineenyu. Vano, nkohe co:

Itthu yaakhumelenle anuunu Gainanshina, manannani inthoonyeraaya wiira phataari utthara “nthuko waanasariya” uhiya “nthuko waale ampanka citthu cootakhala”?—Miru. 13:9

Waakhula winyu

Nhivirihe ukati mwinci muupuwelaka ukhalana citthu co ntuninyani awula muupuwela citthu cithanlileenyu cinookaviherani ukhalana ukati wiira munswalele Yehova. (1 Jo. 2:15-17) Uhiya commo, nweheehe “iparakha cimphwanyihaaya ucuwelaca” nyuuva urineenyu.—Afili. 3:8.