Mwasipa

Vino Yesu Wacisle

VIDYO: Yesu Walungika Umonsi Uwali ni Vyuma

1. Tambini VIDYO, nanti belengini Mako 10:17-22. Alino mwasuke amauzyo alondelelapo:

1. I miyele ci imwi isuma limwi ino Yesu waweni umu monsi wii?

2. U mulandu ci uno Yesu walondekwanga ukuya nu kutemwa alino nu kusipa pa kulungika umonsi wii?

I Vyani Vino Tukusambilila Kuli Vino Yesu Wacisile?

2. Tulinzile ukuya nu kutemwa, nupya tulinzile ukuya asipe nu kumunena mukulungatika vino angacita pa kuti aakula muli vyakwe Leza.

Mwakolanya Yesu

3. Mwaazwa asambi inu ukwimika mauyo nu kuyafikilizya.

1. Mwaomvya iciputulwa cakuti “Ezyini vii” icaya muli cila sambililo mwi buku lyakuti Mungaya ni Nsansa Manda Pe!

2. Mwaazwa umusambi ukumanya vino angacita pa kufikilizya mauyo akalamba na anono

3. Lyonsi mwataizya umusambi winu pali vino akulunduluka.

4. Mwamanya ivikulenga umusambi ataalunduluka, nupya mwamwazwa ukumanya vino angacita pa kucimvya intazi zikulenga ataalunduluka.

1. Muyuzye mweineco muti:

   • ‘I vyani vikulenga umusambi afilwa ukulunduluka pakuti akabatiziwe?’

   • ‘I vyani vino ningacita pa kumwazwa?’

2. Mwalenga Leza ukuti amwazwe ukuya asipe pakuti mulange ukutemwa nu kulanzyanya nawe mukulungatika lino mukumunena vino alinzile ukucita.

5. Mwata ukusambilila nu musambi atakulunduluka.

1. Pakuti mumanye ndi icakuti umusambi winu asikulunduluka mwayuzya mweineco muti:

   • ‘Uzye umusambi wane akaomvya vino akusambilila?’

   • ‘Uzye akazanwa mukulongana nu kunenako yauze pali vino akusambilila?’

   • ‘Pa cisila ca kusambilila nawe pa nsita itali, uzye akulonda ukuya Nte Wakwe Yeova?’

2. Ndi cakuti mwalola ukuti umusambi winu asikulunduluka:

   • Mwamuzya aminene nga kuli vimwi vikulenga afilwa ukulunduluka.

   • Mwaomvya umucenjelo pa kumulondolwela umulandu uno mumateela ukusambilila nawe.

   • Mwaleka amanya vino alinzile ukuombelapo pakuti ku nkoleelo mukatandike ukusambilila nawe.