Kuomba Ningo Umu Mulimo—Vino Tungaasuka Ndi Cakuti Wino Tukusimikila Wasoka
Cino Cacindamila: Antu aingi yano tukazana lino tukusimikila yakatupeela umucinzi. Nalyokwene, Yesu wasoowile ukuti antu yamwi yalatupata. (Yoa. 17:14) Fwandi tutafwile ukuzunguka ndi cakuti wino tukusimikila watusokela. Lino ica musango uu cacitika, tufwile ukwasuka mu nzila isuma ingalenga kuti tucindike Yeova wino tukalandilako. (Loma 12:17-21; 1 Pet. 3:15) Nga tukucita vivyo, tulacefya ukali wa muntu wiyo. Nupya cilalenga ukuti tumusimikile, alino nu kusimikilako na antu yauze aakutulola, napya cilalenga ukuti yace yalondesya ukuvwa umuku uze lino ya Nte yaaya umu kuyasimikila.—2 Kol. 6:3.
Mwezi uu Muce Mwezye Kucita Vii
Lino muli pa kupepa kwa lupwa muce mwezye ukucita icilangililo pali vino mungaasuka ndi cakuti wino mukusimikila wasoka.
Lino mwafuma pa muntu uwatasoka, muce mulanzyanye na wino mukusimikila nawe pali vino imuli nu kwasuka ningo umuntu wiyo.