Watchtower LAIBULALE UWA PA INTANETI
Watchtower
LAIBULALE UWA PA INTANETI
Cimambwe-Lungu
  • BAIBO
  • MPAPULO
  • KULONGANA
  • my lyasi 49
  • Ilanzi Limilila

Kutaaya vidyo pali vino mwasoolola

Awe icumi catala, vidyo wakaana ukuloleka

  • Ilanzi Limilila
  • Ibuku Lyane Ilya Malyasi Amuli Baibo
  • Ivyeo Ivikolineko
  • Yoswa na Ina Gibyoni
    Vino Mungasambilila Uku Malyasi ya Muli Baibo
  • Aina Gibyoni Yaacenjiile
    Ibuku Lyane Ilya Malyasi Amuli Baibo
Ibuku Lyane Ilya Malyasi Amuli Baibo
my lyasi 49
Joshua tells the sun to stand still

ILYASI 49

Ilanzi Limilila

LOLA vino Yoswa akucita. Akulanda akuti: ‘We lanzi, imilila!’ Ni lanzi limilila. Ilanzi ilimilila papakwene uwanda onsi. Yeova aliwe waleenzile ukuti icintu cii cicitike! Nomba, leka tulole umulandu uno Yoswa walondelanga ukuti ilanzi litwalilile ukuwala.

Lino aene yasano (5) amu mpanga ya Kenani yaatandike ukulwisya aina Gibyoni, aina Gibyoni yaatumile umonsi umwi ukuyaneena Yoswa ukuti ayazwilizye. Umonsi kwene wiyo waile-alanda ati: ‘Wize zuwa-zuwa utwazwe. Wize ututuule! Aene yonsi amu mpanga ii yakutulwisya swe yaomvi inu.’

Papo kwene sile, Yoswa na onsi yakwe yonsi aulwi iyakatuka. Iyapita usiku onsi. Lino yaafisile kuli Gibyoni, asilika ya ene alwisyanga Gibyoni yuvwile intete nu kutandika ukupuuka. Lyene Yeova waleenzile amawe ya mvula ukupona ukufuma ukwiyulu, nupya amawe yaayo yaakomile asilika aingi ukucila na yano aonsi yakwe Yoswa aulwi yuumoozile.

Yoswa waweni ukuti ilanzi lyasya liwe. Pamafiita, nupya asilika ya ene kwene yaaya aipe yamautuka. Acino, Yoswa wapefile kuli Yeova nu kulanda ukuti: ‘We lanzi, imilila!’ Lyene lino ilanzi lyatwaliliile ukuwala, aina Izlaeli yaacimvizye ulwi.

Umu Kenani mwali aene aipe aingi na yauze aapasile antu yakwe Leza. Pakuti Yoswa na asilika yakwe yacimvye aene 31 amu mpanga ya Kenani, cayasendiile imyaka mutanda (6). Lino yacimvizye, Yoswa watandiike ukwankanya impanga ya Kenani uku mitundu ya ina Izlaeli iitaakweti incende.

Paapisile imyaka ingi, na Yoswa wizile afwa ala ali ni myaka ya kuvyalwa 110. Lyonsi lino Yoswa na onsi yano waombanga nayo umu utunguluzi yaali aumi, antu yuvwilanga Yeova. Lino aonsi kwene yaa asuma yaafwile, antu yaatandike ukucita iviipe nu kuiletelela. Ndi yaaya sana ni ntazi, alino yalondanga sana ukuti Leza ayazwe.

Yoswa 10:6-15; 12:7-24; 14:1-5; Yakapingula 2:8-13.

Mauzyo

    Impapulo Zya Cimambwe-Lungu (2009-2025)
    Fumini
    Ingilini
    • Cimambwe-Lungu
    • Tumiliniko Yamwi
    • Vino mukulonda ukucita
    • Copyright © 2025 Watch Tower Bible and Tract Society of Pennsylvania
    • Masunde pa Miomvezye
    • Kusunga Inkaama
    • Privacy Settings
    • JW.ORG
    • Ingilini
    Tumiliniko Yamwi