Kuomba Ningo Umu Mulimo​—Ivya Kucita pa Kusimikila ku Muntu Aakalanda Ululimi Luze

Cino Cacindamila: Yeova akalondesya kuti antu “amu nko zyonsi,” yamanye icumi. (Milimo 10:​34, 35) Acino, Yesu watile ilandwe lisuma lilakosolwa “umu nsi yonsi” nu “mu nko zyonsi.” (Mate. 24:14) Zakaliya wasesime ukuti antu “aakalanda indimi zipusane-pusane” nayo kwene yaluvwa. (Zaka. 8:​23) Kulingana ni cilolwa cino umutumwa Yoane waweni, antu alapusuka ucuzi ukulu cuze yalafuma “umu nko zyonsi, mu mitundu yonsi nu mu ndimi zyonsi.” (Umbw. 7:​9, 13, 14) Wakwe vino twalanda paa, fwandi tungati lino tukusimikila, umuntu wensi wino twazana umu cifulo citu aakalanda ululimi luze tulinzile ukwezya uku musimikila.