Kuipekanya Ukusimikila Uku Yantu Yonsi

Wakwe vino Yeova watungulwile Aina Izlaeli, ali vino akatungulula na antu yakwe ndakai pakuti yacita ukulonda kwakwe. Mu nsi yonsi, maofesi ya misambo, viputulwa, vilongano alino na maumba ya mulimo yakaombela pamwi pakuti mulimo wa kusimikila uombwe ningo. Tukasimikila uku yantu yonsi ukwikako sile na kuli yayo aakalanda indimi zyuze.—Umbw. 14:6, 7.

Uzye mwatala mwelenganyapo ukusambilila ululimi luze pakuti mwazwe umwi ukusambilila icumi? Nanti cakuti mutakwata insita ya kusambilila ululimi luze, mungaomvya JW Language apu pa kusambilila mazwi anono yano mungaomvya umu mulimo wa kusimikila. Lyene pa cisila ca kuomvya amazwi yaa umu mulimo, mungayuvwa aluzango wakwe vino Aina Klistu ya kutandikilako yayuvwile lino antu kufuma uku mpanga zyuze yuvwile ningo pa kuvwa “ivintu vikulu vino Leza wacita” umu lulimi wao.—Mili. 2:7-11.

TAMBINI VIDYO YAKUTI UYE CUZA WAKO YEOVA​—KUSIMIKILA MU LULIMI LWA KU MPANGA YUZE, ALINO MWASUKE MAUZYO ALONDELELAPO:

• 

  A lilaci lino mungaomvya JW Language apu?

• 

  I vyani vimwi ivyaya pa JW Language apu?

• 

  Iindimi ci zino antu yakalanda mu cifulo cino mukasimikilamo?

• Uzye mungacita uli ndi cakuti umuntu aakulondesya ukuvwa ilandwe lya wene akalanda ululimi luze?—od mafwa 100-101 mapa. 39-41