KUOMBA NINGO UMULIMO WA KUSIMIKILA Kulanzyanya na Antu Yonsi mu Cifulo ca Kusimikilamo

CINO CACINDAMILA: Zakaliya wasoowile ukuti antu aingi ukufuma mu ndimi zipusane pusane yalauvwa ukwi landwe lisuma. (Zaka. 8:23) Nomba a weni alayasambilizya? (Loma 10:13-15) Twakwata umulimo wa kusambilizya yonsi mu cifulo cino tukasimikilamo.—od ifwa 84 mapa. 10-11.

VYAKUCITA:

• Mwapekanya. Uzye mukazana antu akalanda ululimi luze? Mungaomvya JW Language app pakuti musambilile amazwi angupale pa kusiila umwi impapulo. Ndi cakuti imukwata foni, kompyuta nanti tabuleti mungalangilila umuntu vino angacita pakuti azane ivyeo na vyuze umu lulimi lwakwe pa jw.org

• Mwaikako mano. Ndi cakuti mukusimikila ku ng’anda ni ng’anda, mutalinzile ukulasya yamwi yano mukukomenkana nanti yaayo aali muli ya motoka aimi. Ndi cakuti mukusimikila ku cifulo kukazanwa sana antu, mwaika sana mano ku mulimo pakuti mwasimikila kuli yonsi

• Mwaombesya. Mwaezya na maka pakuti mungasimikila kuli yayo yano mutazanyile pa ng’anda muku wakutandikilako. Ndi mwafika pa ng’anda mwaezya na maka ukulanda na umwi, nupya mwaezya nu kuya pa nsita zipusane pusane mu mulungu. Antu apa mang’anda yamwi yangalondekwa sile ukuyasimikila ukuomvya makalata, foni nanti ukuyasimikila umu museo

• Mwaswililako. Mwaswililako zuwa kuli yano yakulondesya ukusambilila. Ndi cakuti yakavwanga ululimi luze, ezyini ukulonda uwamanya sana ululimi lulo pakuti angayazwa. Mufwile ukutwalilila ukulalanzyanya nu muntu wiyo kufikila lino kasimikila uwamanya ululimi lulo waloleka.—od ifwa 94 mapa. 39-40

TAMBINI VIDYO YAKUTI, KUSIMIKILA “KUFIKA NA KUNO INSI YAPELA” ALINO MWASUKE MAUZYO ALONDELILEPO:

• 

  Uzye aina na ya nkazi yacisile uli pakuipekanya ukuya mu kusimikila ku ncende ya kutali? (1 Kol. 9:22, 23)

• 

  I ntazi ci zino yali nu kucimvya?

• 

  I visuma ci vino yaipakizye?

• Uzye mungacita uli pakuti mwalanzyanya na antu aingi mu cifulo cinu ca kusimikilamo?