Vya Kutandika Ukulanzyanya
SAMBILILO 2
Milanzyanyizizye Isuma
Cisinte ci sunde: “Kulanda amazwi asuma kwazipa.”—Mapi. 15:23.
Vino Filipi Wacisile
1. Tambini VIDYO, nanti belengini Milimo 8:30, 31. Alino mwasuke mauzyo alondelelapo:
Uzye Filipi watandike uli ukulanzyanya?
U mulandu ci uno yii yayelile inzila isuma iyakutandikilamo ukulanzyanya nu kusimikila umonsi wii icumi cino atatazile auvwepo?
I Vyani Vino Tukusambilila Kuli Vino Filipi Wacisile?
2. Ndi cakuti lino tukulanzyanya nu muntu tukulanda vino tukalanda lyonsi, ilingi yano tukulandako yakateeka umwenzo nupya cikalenga yalondesya ukukutika kuli vino tukulanda.
Mwakolanya Filipi
3. Mwaika mano kuli vino umuntu akucita. Vino umuntu akucita pa manso na vino akucita umwili vingalenga tumanye ivingi pali aliwe. Uzye umuntu wii akuloleka ukuti akulonda ukulanda nani? Limwi mungatandika ukulanzyanya nu muntu icumi ca muli Baibo ni uzyo ilyakuti, “Uzye mwamanya ukuti . . . ?” Mutapatikizya umuntu asikulonda ukulanzyanya namwe.
4. Mwateeka umwenzo. Mutaelenganya ukuti mulinzile ukulanzyanya na antu icumi icaya muli Baibo papo kwene sile. Lelo mwalolela insita isuma iya kutandika ukulanzyanya pakuti mulanzyanye nayo ningo. Insita zimwi, pa kucita vii cingalondekwa ukuti tulolele kufikila lino tulalanzyanya nawe umuku uze.
5. Mwasenuka. Limwi umuntu angatandika ukulanda pi lyasi lino mutali mukwenekela. Mwaitemelwa ukulanzyanya ilyasi ilikumile umuntu wiyo, nanti icakuti ukucita vivyo kungalenga musenule vino imwapekanya ukulandapo.