Keboj Ro Rekãl ñõn Air Wõnmaik Jumae
1 Ñe kajuju armij re jino katak Baibel eo im ‘re kõnan mour im kwojarjar,’ rej erom juõn men in kõjjeroro an Setan. (2 Tim. 3:12) Jumae emaroñ itok jen ro mõtar ilo jikin jerbal, jikuul, ak ro dri turid. Emaroñ laplok an bin ñe ro nukiir, im eor air kea, rej jumae rein rekãl.—Mat. 10:21; Mark 3:21.
2 Jumae Emwij Kanan Kake: Ro rekãl rej aikwij melele bwe renaj iion matõrtõr im kile bwe men in ej kein kamol bwe re jino erom dri kaloran Kraist remol. (Jon 15:20) Jet ien, jumae ej walok jen ro jet kin air jab melele kin katak ko an dri Kennan ro an Jeova. Kememej wõt bwe lõñliñ elap ej itok jen ar bõk matõrtõr kin ar lor Jisõs im bokake Anij. (Jer. 5:27-29, 40, 41) Kalikar ñõn ro rekãl bwe Jeova ej pojõk in rejetake ir. (Sam 27:10; Mark 10:29, 30) Air tiljek wõt enaj kalikar air jurake iroij bõtata eo an Jeova.—Ken. 27:11.
3 Tokjen Jelalokjen eo Emol: Ro rej katak Baibel ibam ren lukkun kile tokjen air katak manlok wõt kin mol eo meñe rej iion melejoñ ko. Ikijen jumae ko, Setan ej kate bwe en kautameik ir bwe mol eo en jab edreklok ilo burueir. (Ken. 4:23; Luk 8:13) Rej aikwij wõnmanlok wõt im bõk jela eo emol kin Nan in Anij bwe en bin tõmak ilo burueir .—Sam 1:2, 3; Kol. 2:6, 7.
4 Aikwij Eo kin Kijenmij: Jekron ta menin jumae ko, ak kijenmij ej juõn men eaurõk im ej jebar leen ko remõn. (Luk 21:16-19) Ñe ro rekãl rej kijenmij iomin jumae, rej bõk tokjen ko remõn ñõn ir mõke im ro jet. Rej lo maroñ eo an Jeova ñõn kejerammõn ro rej kijenmij ilo tiljek.—Jem. 1:12.
5 Elap an dri jilik Paul kar lõñliñ kin an ro jein im jãtin ilo Tessalonika wõnmanlok ilo mour in Kristian. Ear kamolol Anij kin rein, ke ear mõke jiboñ elõñ iair ñõn bõk mol eo. (2 Tes. 1:3-5) Bar kij jemaroñ bõk ejja lõñliñ im mõnõnõ rot in elañe jej keboje ro rej katak Baibel iber bwe ren pojõk in wõnmaik jumae im kijenmij.