Juõn Uak Ekijejeto!
1 Family ko rej Christian ijoko otemjej rar kwalok kamolol eo air kin video (cassette in aluij) eo Young People Ask—How Can I Make Real Friends? Juõn jemen ilo United States ear ba bwe elikin air kar aluiji ladik ro nejin rar jijet im ikõñ—rar maroñ melele im kamole aolep men ko ilo video eo! Juõn report jen Malawi ej ba bwe jodikdik jimjãn jimjatin maan im kõrã ro rar bareinwõt maroñ melele kake video eo kinke rej iion ejja ijjibed ko wõt jen ro mõttair ilo school. Juõn jemen ilo Germany ear ba kin video eo: “Ij watõke einwõt juõn uak ñan jar ko aõ.” Juõn jodikdik ear ba: “Kommol kin am kakememej iõ bwe Jehovah ej kea kake iõ.” Juõn elder ilo New Zealand ear report: “Ear jibañ juõn ian jodikdik ro nejim ñan bar jeblak ñan ial in mour.” Juõn armij eritto im emwij an belele, eo ear aluiji video eo ear ba: “Elap aõ kejatdikdik bwe aolep jodikdik ro ilo mol eo ren aluiji video eo im kõmman bwe mol eo en bed ilo burueir!” Family ko, etke komij jab bar aluiji? Tokelik, bwebwenato ibben don kin kajitõk kein ilal.
2 Nan in Kabellok: Ta in juõn jeran emol?—Ken. 18:24.
3 Kein Kabañ ko ñan Jimjera Ibben Don: Ewi wãwen kwomaroñ anjo ion am eñjake bwe kwoj make iam? (Pil. 2:4) Etke kwoj aikwij mõnõnõ in kakõmõnmõnlok kadkad ko kadkadim, im wõn eo emaroñ jibañ yuk ñan kõmman men in? Ta eo enaj kabellok ien ko remõn ñan kõmman elõñlok ro jeram, im ia eo kwomaroñ lo ir ie?—2 Kor. 6:13.
4 Jimjera Ibben Anij: Ewi wãwen kwomaroñ kaddeklok juõn kõtan emõn ibben Jehovah, im etke ewõr tokjen am kõmmane? (Sam 34:8) Wõn eo emõntata emaroñ kakajurlok jimjera eo am ibben Anij?
5 Jimjera Ro Renana: Wõn ro rej ri kamao ro renana? (1 Kor. 15:33) Ewi wãwen ro jeram renana remaroñ tellok yuk ñan jorrãn ilo jitõb? Ta men eo bwebwenato ilo Bible ikijen Dinah emaroñ katakin yuk?—Jen. 34:1, 2, 7, 19.
6 Juõn Drama (Tieta) ilo Ran Kein: Ewi wãwen make lok ian ear jelet Tara? Ewi wãwen an kar ba bwe emõn an tel an ibben jodikdik ro ilo lal in? Men in ear kajerwawaik e ñan kain kauwatata rot ko? Etke jemen im jinen rar likjap in lo bwe ear bed ilo kauwatata, ak kain lemnak rot rar kwaloke ñan jibañ e ñan bar kajur ilo jitõb? Ewi wãwen juõn sister eo ej pioneer ear juõn jeran emol ñan Tara? Etke Ri Christian ro rej aikwij bokake Jabõn Kennan Ko 13:20 im Jeremiah 17:9? Ta men eo eaorõk Tara ear katak kake?
7 Jemlokin: Ta men ko kwar katak jen video in? Ewi wãwen am maroñ kajerbale ñan jibañ ro jet?—Sam 71:17.