Pija eo an Jodrikdrik: Young People Ask—How Can I Make Real Friends?
Ke Jeova ear kõm̦anm̦an armej, ear kõm̦m̦an bwe ren kõn̦aan kõm̦m̦ao ippãn doon im bwe en wõr m̦õttaer. (JK. 17:17; 18:1, 24) Bõtab bwe jen jab iioon jorrããn eaorõk bwe jen kããlõt wõn ro jej m̦õttaik er. (JK. 13:20, UBS) Jouj im uwaake kajjitõk ko itulal̦ ñe em̦õj am̦ alwõje pija in Young People Ask—How Can I Make Real Friends?
Jinoin Pija Eo (Introduction):
(1) Ta ko rej kaalikkar an juon m̦ool in m̦õttad?
Men ko Rej Bõbrae an Wõr Ro M̦õttad (Roadblocks to Friendship):
(2) Ewi wãween jemaroñ jol̦o̦k l̦õmn̦ak eo bwe ro jet rej kõjekdo̦o̦n kõj ak rejjab kõn̦aan aetõl kõj? (Pil. 2:4, UBS) (3) Etke jej aikuj m̦õn̦õn̦õ in kõm̦m̦an oktak ko rem̦m̦an kõn kain armej rot kõj? Im wõn eo emaroñ jipañ kõj kõm̦m̦ane men in? (2 Ko. 13:11) (4) Ta ko jemaroñ kõm̦m̦ani bwe en lõñl̦o̦k ro m̦õttad?—2 Ko. 6:13, UBS.
M̦õttaik Anij (Friendship With God):
(5)Ewi wãween kwõmaroñ lukkuun epaake Jeova, im etke ewõr tokjãn am̦ kate eok ñan kõm̦m̦ane men in? (Sam 34:8, UBS) (6) Ñe jej epaake Jeova, wõn ro renaaj bar m̦õttaik kõj?
Ro Ebõd ñan M̦õttaik Er (The Wrong Kind of Friends):
(7) Wõn ro ebõd ñan m̦õttaik er? (1 Ko. 15:33) (8) Etke ro m̦õttam̦ me enana kõm̦m̦ao ko aer remaroñ ko̦kkure kõtaan eo am̦ ippãn Jeova?
Pija eo kõn Raan Kein (A Modern-Day Drama):
(9) Ta eo bwebwenato eo kõn Daina ej katakin kõj kake? (Jen. 34:1, 2, 7, 19, UBS) (10) Ewi wãween an kar Tara kõm̦m̦an jekpen ñan an aetõl jodrikdrik ro ejjab em̦m̦an kõm̦m̦ao ko aer? (11) Ta men ko renana ro m̦õttan Tara ilo jikuul̦ rar kapoik e kaki? (12) Etke jemen im jinen Tara rar likjab in kile bwe kõtaan eo an leddik in nejierro ippãn Jeova epãd ilo kauwõtata? Im ke rar jel̦ã kõn men in, ewi wãween rar jipañ e bwe en bar kajoor kõtaan eo an ippãn Jeova? (13) Ewi wãween juon pioneer ear juon eo em̦ool an m̦õttaik Tara? (14) Ta ko Tara ear jino kile?
Jem̦l̦o̦kin (Conclusion):
(15) Ta ko kwaar katak jãn am̦ kar alwõje pija in? (16) Ewi wãween kwõmaroñ kõjerbale pija in ñan bar jipañe ro jet?
Jen kããlõt ñan m̦õttaik ro me renaaj jipañ kõj bwe jen epaake wõt Anij!—Sam 15:1, 4; Ais. 41:8.