Ewi Wãwen Kwalok Nan ilo Jikin Business ko
1 Kwokõnan ke kwalok nan ilo juõn territory ijo armij ro ekkã air karuwainenetok ri lotok ro im ejeja an armij ro jako jen e? Kwomaroñ kõmmane ilo territory eo an congregation eo am. Ewi wãwen? Ilo am lolok jikin business ko ie. Ri kwalok ro me rej kwalok nan jen mõn wia ñan mõn wia ekkã air iion tokjen ko remõn.
2 Jet congregation ko ewõr jikin business ko einwõt mõttan territory ko kar karõki ñan ir. Brother eo ej lale territory ko an congregation eo emaroñ kõmmane map card ko rejej uair kin jikin ko elõñ business ko rej bed ie. Jabdewõt territory map card ko kin moko imõn armij im rej koba jikin business kein ie ren kalikar ilo alikar bwe ren jab jerbal ilo jikin business ko. Ilo territory ko jet, remaroñ jerbal ilo jikin business ko im bareinwõt moko imõn armij. Elañe kwojañin kwalok nan ilo jikin business ko, jino ilo am kwalok nan ilo mõn wia ko redik.
3 Kajerbal juõn Ennan Elamwan: Ñe kwoj kwalok nan jen mõn wia ñan mõn wia, eaorõk bwe kwon nuknuk einwõt ñe kwonaj etal ñan juõn kwelok ilo Kingdom Hall eo. Emõn bareinwõt ñan kãlet juõn ien ñe ri jerbal ro ilo mõn wia eo rejjab boub. Elañe emaroñ, deloñ ilo juõn ien ñe ejelok ri wia rej kõttar air jibañ ir. Kajitõk bwe kwokõnan konono ibben manager eo ak armij eo ej bõk eddon mõn wia eo. Ennan eo am en kadu im jejjet. Ta eo kwomaroñ ba?
4 Ñe kwoj konono ibben eo ej lale mõn wia eo ak manager eo, kwomaroñ ba men in: “Armij ro rej jerbal ilo jikin business ko ejeja am lo ir ilo moko imwiir kinke elukkun boub schedule ko air, inem kimij kõnan lotok yuk ilo jikin jerbal in am. Magazine ko am rej lale men ko rej walok ekkar ñan wãwen eo ej jelet belakin lal.” Inem kwalok juõn point ekadu jen juõn magazine.
5 Ak kwomaroñ kajeoñ ennan in elamwan: “Elõñ armij rekõnan kalaplok air jelã kin Bible eo ak ejabwe ien ñan air etale. Tract in ej kamelele kin juõn program in katak ilo ejelok wõnãn me ej bellok ñan jibañ yuk ñan lo uak ko ñan kajitõk ko am kin Bible eo.” Inem jitõñlok ñan peij 4-5 ilo tract eo Kwokõnan ke Kalaplok Am Melele Kin Bible eo?
6 Elañe armij eo ej lale mõn wia eo eboub, kwomaroñ lelok juõn tract im ba: “I naj bar itok ñe kwojjab boub. I kõnan jelã lemnak eo am kin tract in.”
7 Kaddeklok Itoklimo eo Rej Kwaloke: Kwomaroñ bareinwõt kõmmane juõn Bible study ilo jikin business eo. Juõn special pioneer ear keini an bõklok magazine ko ñan juõn ri jerbal. Ke leo ear kwalok an kamolol kin ta eo ej readi, pioneer eo ear kwalok kin lajrak in katak Bible eo, ilo kajerbal Jen Kõmmõne brochure eo. Kar kajutak juõn Bible study ilo jikin jerbal eo an leo. Ilo lemnak kin wãwen ko rar bed iumin, pioneer eo ear kõmmane katak eo iumin 10 ak 15 wõt minute ko kajjojo ien. Jen, bareinwõt, wõnmanlok im bukõt ro tellokiir ilo ad kwalok nan ilo jikin business ko.
[Kajjitõk ko]
1. Ta jet ian tokjen ko kin kwalok nan ilo territory ko elõñ business ko ie?
2. Ewi wãwen jemaroñ karõk ad kwalok nan ilo jikin business?
3. Ta eo enaj jibañ kij ñan ad bolemen ñe jej kwalok nan jen mõn wia ñan mõn wia?
4-6. Ta eo jemaroñ ba ñe jej kwalok nan ñan juõn ri lale mõn wia ak juõn manager?
7. Ewi wãwen jemaroñ kaddeklok itoklimo eo jej loe ilo jikin business ko.