Kilen bwe En Em̦m̦anl̦o̦k Wõt Ad Kwal̦o̦k Naan​—Kwal̦o̦k Naan ilo Opij im Jikin Jerbal Ko

Etke Eaorõk: Ekkã an armej ro jol̦o̦k el̦ap iien ilo jikin jerbal ko aer. Kõn men in, wãween eo em̦m̦antata ñan tõpar rein ej ilo ad kwal̦o̦k naan ñan er ilo jikin jerbal ko aer. Kwal̦o̦k naan ilo jikin jerbal ko emaroñ juon men ekãitoktoklimo im elõñ tõprak ko renaaj wal̦o̦k. Ilo jikin jerbal ko, ekkã an rijerbal ro kwal̦o̦k jouj ñan kajtõm̦ar ro aer. Im eñin ijo me kwõnaaj baj iioon wõt armej ie. Bwe jen lo tõprak, jej aikuj kõjerbal lol̦o̦kjen̦ im em̦m̦an paotokid. (2 Ko. 6:3) Kõn men in, em̦m̦aan eo me ej loloorjake jerbalin kwal̦o̦k naan ej aikuj lale wõn ro rej kwal̦o̦k naan ijekein im joñan ikkutkut in aer jerbal ie.