Kilen Kwal̦o̦k Uwaak ko Rem̦m̦an

Uwaak ko rem̦m̦an rej kõkajoor eklejia eo. (Rom 14:19, UBS) Bareinwõt, ro rej kwal̦o̦k uwaak ko rem̦m̦an rej bõk tokjãn jãn men in. (JK 15:23, 28, UBS) Kõn men in, jen kajjioñ bõk kun̦aad im uwaak ilo kajjojo kweilo̦k. Jen kate kõj meñe emaroñ juon wõt alen ad uwaak. Jejel̦ã bwe eban aolep iien renaaj kũr kõj ñe jej kajutak peid. Eñin unin eaorõk bwe jen kõpooje elõñl̦o̦k jãn juon uwaak.

Juon uwaak em̦m̦an . . .

• ekadu, ealikkar, im epidodo ad mel̦el̦e. Enañin aolep iien, joñan aetokan emaroñ 30 wõt jekõn ak dikl̦o̦k

• ej ñe juon ej kwal̦o̦ke ilo naan ko an make

• ej ñe juon ejjab ãliji uwaak eo kar ba m̦oktal̦o̦k me ejjab menin aikuj ñan ãliji

El̦aññe kwe eo m̦oktata rej kũr eok, . . .

• Kwal̦o̦k wõt uwaak eo an kajjitõk eo

El̦aññe em̦õj uwaake kajjitõk eo, kwõmaroñ . . .

• kwal̦o̦k kõn wãween an juon iaan eoon ko ilo pãrokõrããp eo rejetake boin eo

• kwal̦o̦k wãween an katak eo jelõt mour ko ad

• kõmel̦el̦e kõn wãween ad maroñ kõjerbale boin ko ilo katak eo

• ilo tukadu, kwal̦o̦k juon bwebwenato kwõjel̦ã kake me ejejjet ñan boin eo