KATAK 8
Kõjerbal Waanjoñak ko Rejejjet
Matu 13:34, 35
ILO TUKADU: Bwe en alikkarl̦o̦k wãween am̦ katakin, kõjerbal waanjoñak ko repidodo ñan kãitoklimoik armej ro im kõm̦m̦an bwe ren kile boin ko raorõk kwõj kajjioñ kwal̦o̦ki.
KILEN AM̦ KÕM̦M̦ANE:
Kããlõt waanjoñak ko repidodo. Ãinwõt kar Jesus, kwõmaroñ kõjerbal men ko reddik ñan kõmel̦el̦eik men ko rel̦l̦ap, im men ko repidodo ñan kõmel̦el̦eik men ko reppen. Ñe kwõj kõjerbal waanjoñak ko, em̦m̦an ñe kwõjjab kobaik mel̦el̦e ko rejjab aorõk kõnke enaaj pen an armej mel̦el̦e. Bareinwõt, kõm̦m̦an bwe mel̦el̦e ko ilo waanjoñak eo am̦ ren jejjet ñan boin eo kwõj kajjioñ in kwal̦o̦ke kõnke armej ro remaroñ pok ñe rejjab lo an mel̦el̦e ko jejjet ñan boin eo.
L̦õmn̦ak kõn armej ro. Em̦m̦an ñe kwõj kããlõt waanjoñak ko me rej kwal̦o̦k kõn m̦akũtkũt ko armej rej kõm̦m̦ani ak men ko rej itoklimo kaki. Bareinwõt, kõjparok bwe waanjoñak ko kwõj kõjerbali ren jab kajook ak kal̦õkatip armej.
Kaalikkar boin eo eaorõk. Kate eok ñan kaalikkar boin eo eaorõk im jab jol̦o̦k el̦ap iien ñan kaalikkare mel̦el̦e ko reddik ilo waanjoñak eo kwõj kõjerbale. Kõttõpar eo am̦ ejjab bwe armej ro ren keememej wõt waanjoñak eo, ak bwe ren bareinwõt keememej boin eo eaorõk ilo waanjoñak eo.