THIHONGA 4
Pashanye twa torokera New World Translation?
Kongo (Kinshasa)
Rwanda
Matjangururo ghokare-kare ogha ha toya eshi Symmachus, omu mwakara dina dya Jehova muPisalemi 69:31. Awo kwagha tjangire myaka mafere mahatu gha ka pita kughutho ghokwiya Jesusi pamuve.
Myaka dhodhingi, Hashupi waJehova kwa tjangire, nokurughanitha, karo nokutapera matoroko ghokukuthigha-thigha ghoBayibili. Ene kunyima dhoruvedhe twa nongonona mudyo ghokutoroka Bayibili dhighamwene hanu “ha dimuke ghushemwa” yoyishi yo ghana kushanena Nyambi kwa wanu wahe. (1 Timoteghusi 2:3, 4) Mumwaka 1950 podiyo twa tangire kushwayitha Bayibili dhoNew World Translation mumandimi ghokukuthigha-thigha. Ghodhi Bayibili kwadhi toroka mumandimi ghokupitakana pa 120.
Twa nyandire Bayibili dhoghuredhu kutjwathana. Yoyishi Mabayibili ghomengi kwa rughanithire mañando ghomakukutu kutjwathana. Ndani, pashadyarero twa wana matjangururo ghokare-kare ogha gha tu ghamwena tu tjwathane mandimi harughanithire pakare, kenge yira Thiheburayi, Thiamareki ndani Thigereka.
Twa nyandire Bayibili edhi dhakuwa nomañando ghaNyambi. Mudyango dyokurundurura mañando ghaNyambi, hatoroki hoBayibili hakona kutoroka yokukupitura noyi hatjangire hatjangi hokutanga. Ene, Mumabayibili ghomengi dina Jehova ne mbadi ha ditjanga mo.
Twa nyandire Bayibili dhokutapa fumwa kwaNyambi. (2 Samwere 23:2) Bayibili dhoNew World Translation, dina dyaNyambi kwa di tjanga mo yikando yokukuma pa 7 000, kenge haditjanga mumatjangururo ghokare-kare ghoBayibili. Kenge thitamenedhi kwishi. (Pisalemi 83:18, NW) Yoyishi makuturomo thikuma ghohatoroki, ghodhi Bayibili ghuredhu kutjwathana, karo awo kwatoroka thiwana maghano ghaJehova. Yi kare eshi mbadi wa kara noNew World Translation mundimi dhoye, kuna kumutjokedha mukuturerepo ruvedhe rokutoya maBayibili ghenu kehe diyuwa.—Josuwa 1:8; Pisalemi 1:2, 3.
Pashanye twa torokera Bayibili New World Translation?
Yinye sho gha kone kutenda munu ghoyu ghana kushana kukuhonga kehe diyuwa mahimeno ghaNyambi?