THIHONGA 16
Yinye yirughana yomughamweni ghombunga?
Myanmar
Kutapa yighamba
Kupitithera muyirughana yokuyuvitha
Kukenitha paThikota thoghuFumu
Bayibili kuthothonona eshi mumbungakriste mohadi ‘hayendithi hombunga ndani haghamweni hombunga.’ (1 Timoteghusi 3:1, 8) Yinye ha rughananga haghamweni hombunga?
Awo kughamwena hakuru hombunga. Haghamweni hombunga hakara nomakukwatathano ghomawa naJehova, awo kukutura mo thikuma muyirughana yagho, hamweya hakuru hamweya ne hamuregheya. Awo hakara noyirughana yomudyo eyi ha thothonona muthimingwaghana thokuranda ko. Eyi kupa hakuru hombunga ruvedhe rokuhonga nokutjokedha ndani kudhingura homumbungakriste.
Awo kutapa maghamweno ghomudyo. Haghamweni hombunga hamweya kwa wa pa thirughana thokutambura hagenda hana kwiya kumakongano. Hamweya kwa wa pa thirughana thokukara kuradiyo nokutapa yimbapiratjangwa nokutara masherenyi ndani nokutapa dyango dyokayuvithera. Awo karo kughamwena mukuroyitha kuThikota thoghuFumu. Hakuru hombunga kuninga haghamweni hombunga haghamwene hakurupe. Awo karo kutambura kehe maghamweno ghanyadiwa po, twa kona kuwafumaneka nawo.—1 Timoteghusi 3:13.
Awo kutura po thitamenedhi thothiwa. Haghamweni hombunga kwa wa torora yoyishi hakara noyikaritha yoThikriste. Apa hana tapanga yighamba yawo kumakongano, awo kutanaritha matawero ghetu. Mukumona thitamenedhi thawo thothiwa thokuyuvitha, ayo kutuningitha natwe tu kare noghutoghoro ghokuyitenda. Mukurughanena pofotji nohakuru hombunga kureta mupepo ghoghuwa mumbungakriste. (Hakaefesusi 4:16) Mukupita koruvedhe, haghamweni hombunga nawo kukona kukara hakuru hombunga.
Yikara munye ha kara nayo haghamweni hombunga?
Yinye ha ruwananga haghamweni hombunga?