Ngepi edi mbungayendithi dhina rughananga pashadyarero?

‘Hapostoli nohakuru homuJerusalema’ kwa karire mbungayendithi mukutura po matokoro ghomudyo mumbungakriste. (Yitenda 15:⁠2) Kughutho dhokuturapo matokoro ghomudyo, awo ngaha konakonanga Matjangwa mumayendithitho ghomupepo ghokupongoka ghokutunda kwaNyambi. (Yitenda 15:​25) Mbungayendithi dho mughuye wodyarero, dhina kuthanga thitamenedhi tho.

Nyambi kudhirughanitha dhi kumithemo mahimeno ghendi. Hatawi hayendhetu hohakafumu awa hapwa kuwetha awa hadi mumbungayendithi ne hakuturamo shemwa mumaÑando ghaNyambi ndani hadimuka edi ghokuyenditha yirughana yetu. Awo ne kukara noyigongi kehe thivike hakuvureke yinyanda yoHatawi hayendhetu mukaye kokahe. Kenge ya karire paruvedhe rwawapostoli, awo kutapa matjokedhero ghomuBayibili kupitera mumbapira dhopaghundambo endi hadhinguri hombunga. Eyi kughamwena hanu waNyambi ha ghayare nokurughanena pofotji. (Yitenda 16:​4, 5) Mbungayendithi kutjanga yimbapiratjangwa nokutjokedha wahe hakuture mo muyirughana yokuyuvitha, ndani kutapa yirughana kwawatawi hayendhetu hakone kupiteritha mbunga.

Adho kukutha mayendithitho ghomupepo ghokutunda kwaNyambi. Mbungayendithi kukara ghutawedhi kumayendithitho ghoMuvareki ghoyoyiheya, Jehova, ndani ghoMutwi ghombungakriste, Jesusi. (1 Hakorinte 11:⁠3; Hakaefesusi 5:​23) Awo mbadi hana kutoyanga eshi haraghuri wohanu waNyambi. Pofotji nowa hapwa kuwetha ndani mbungayendithi ‘kukutha Ndjwighana kokuhe oku ghana kuyenda.’ (Yihokora 14:⁠4) HakaMbungayendithi kuyihafera shemwa ngeshi twe kuwa tura mumandapero ghetu.

• Mughuye wawapostoli, hadye ha haterere mo mumbungayendithi?

• Kwadye dha wananga Mbungayendithi mayendithitho?