Lisamra tara sturka wina, ¿dîa lan takisa?

Gâd upla saurakira nani ra sauhki tikan, sakuna Noa ai pamalika aikuki lika swaki sakan (Blasi Sturka 7:11, 12, 23)

Yu 40 bara tihmia 40 lî ba takaskras auhwan. Tasba aiska ba lisamra tara dingkan, bara upla saura nani sut ba pruan.

Insal saurakira nani ba upla wîna daukra bri kan ba swin bara Sitan wal asla takan. Nanara lasa nani banhwisa.

Ark bilara kan nani baman swakwan. Noa bara ai pamalika aikuki piu luan ba ra pruan, sakuna Gâd mita kli bukbia bara raya ban kaia ra iwbia.

Gâd upla saurakira nani ra kli sauhki tikbia bara upla pain nani ra swaki sâkbia (Matiu 24:37-39)

Sitan bara lasa nani aikuki naiwa piua ra ban upla nani ra kunin munisa.

Noa piua ra baku, naiwa, upla nani ba Jehova bîla walaia want apia sa. Sakuna, Jehova isti pali saurakira nani ra sauhki tikan kabia (2 Pita 2:5, 6).

Naiwa piua ra upla kum kum ba sim Noa baku sa. Witin nani Gâd dîa wi ba bîla walisa; naha ba Jehova Witniska nani sa.