Lisamra tara piua ra, ¿ya nani Gâd bîla walan?

Noa piua ra upla nani ba diara saura baman dauki kan (Blasi Sturka 6:5)

Adam Iv wal luhpa nani baikan bara tasba ra upla ailal pali sahwan. Piu luan ningkara insal nani sin Sitan aikuki asla taki Gâd mapara buan.

Witin nani tasba ra bal upla wîna daukra brin, kan baku natka ra witin nani mairin aikuki marit takaia sip kan. Bara witin nani luhpa tarka tara nani baikan, baku sin upla wala nani ba wal kau saurakira kan.

Tasba ra upla saurakira nani banhwan. Baibil bila: “Upla nani watawika lâka ba tara pali kan tasba ra, upla nani ai kupia lukanka ra diara daukaia luki ya ba lika, kau saura dauki kaia ba baman, luki kan.”

Noa ba Gâd bîla walan bara ark kum paskan (Blasi Sturka 6:13, 14, 18, 19, 22)

Noa ba upla kum pain kan. Jehova witin ra win upla saurakira nani ba sut sauhki tikbia lisamra tara kum wal.

Gâd mita win but tara kum paskbia, baha ba ark watla mâkan. Ningkara ai pamalika nani sut bara daiwan nani sâtka kumi bani ba sin bilara dingkaia kan.

Noa upla nani ra maisa pakan lisamra tara kum aula kan ba dukiara, sakuna upla nani kasak lukras kan. Kau ni, witin nani lawaska kikan bara Noa ra misbara kaikan.

Noa ark ba paski danh takan ningkara, daiwan nani ba bilara dingkan.