¿Dîa daukaia sa Gâd yamni wan kaikbia dukiara?

Diara saura daukaia apia (1 Korint 6:9, 10)

Yawan Jehova ra latwan kaikisa kaka, Witin misbara kaiki dukia nani ba daukbia apia.

Jehova want apia sa yawan implikbia, bla takbia, baku sin druga yus munbia.

Gâd misbara kaikisa, upla ikaia lâka, luhpa iki sakaia, waitna apia kaka mairin ai tahkia wal rug takaia ba sin. Witin want apia sa yawan gridikira kabia, baku sin upla wala wal aiklabia.

Yawan aidul nani ra mayunaia apia, baku sin sukia lâka daukaia apia sa.

Paradais aula ba ra upla nani diara saura dauki ba âpu kabia.

Wan walka nani ra yamni munaia sa (Matiu 7:12)

Gâd pain wan kaikbia dukiara, witin baku kaia trai munaia sa.

Upla wala nani wal dîa bri ba wina yuaia sa, bara rispik munaia, baha natka ra wan latwanka lâka marikisa.

Yawan kunin aisaia apia.

Upla wala nani ra umpira kaiki padin munaia sa.

Upla wala nani ra Jehova bara ai daukanka pain bri ba dukiara aisaia sa (Aiseya 43:10).