PÎSKA 14

¿Nahki Jehova ra baman kasak kaia?

Gâd lamara ban kaia sa (1 Pita 5:6-9)

Kristian waitna kum rilidian kuninkira bara pulitik lâka wina pri takisa

Daukanka natka nani Baibil pain kaikras ba daukaia apia dukiara upla ra sîa briaia apia.

Yawan pulitik tilara dimaia apia, sakuna Gâd Kingka lâka baman tâ baikaia sa.

Gâd bîla walaia ba diara kau tara sa (Matiu 7:24, 25)

Waitna kum asla aidrubanka kum ra dimisa bara Baibil stadi takisa Jehova witniska kum wal

Jehova Witniska nani aidrubanka ra wama kaka, witin nani hilp mai munbia Gâd ra kakaira takaia.

Gâd tânka kasak ba ban lan taki bas, baku sin ai lâka nani alki dauks.

Waitna kum Jehova ra ai pura suni ai rayaka yabisa bara aihtabi takisa

Kasakkam lukan lâka karna takbia taim, pura sunra kum dauki rayakam ba Jehova ra yas, baha wina aihtabi takaia sma (Matiu 28:19).

Gâd bîla wals. Baibil aisi kaiks, bara Jehova Witniska nani ra makas Baibil tânka briaia hilp mai munbia. Dîa lan taki ba praptis muns. Baku daukma kaka, ban kaia ra iwma (Lawana 37:29).